Mateo 16:3 - Inkeanon

³ Ag kon sa agahon hay mapuea ro kaeangitan, gahambae man kamo nga maeain ro tyempo. Kaantigo kamo magtugma kon ano ro mangin tyempo sa inyo eang nga pagtan-aw sa eangit, pero indi kamo kaantigo mageubot kon ano ro kahueugan ku mga nagakaeanabo iya kinyo sa makaron nga tyempo.

Mateo 16:3 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Mateo 15:7

Mga ipokrito gid-a kamo! Tama gid ro hambae ni Propeta Isaias parti kinyo kato anay nga,

Mateo 22:18

Pero sayod gid ni Jesus nga maeain ro andang tuyo. Hinambae nana sanda, “Mga ipokrito! Ham-an it ginadakop-dakop ninyo ako?

Mateo 23:13

Naghambae pa gid si Jesus, “Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, tungod paagi sa inyong saea nga mga ginaturo hay inyo nga ginapugngan ratong gusto nga matapoe sa mga sinakpan it Dyos. Kamo mismo hay nagabalibad nga mangin anang mga sinakpan, tapos hay ginapugngan pa ninyo ro naila.

Mateo 4:23

Naglinibot si Jesus sa bilog nga probinsya it Galilea ag nagturo sa mga *sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag ana man nga ginpamayad ro tanang klasi it baeatian ag masakit ku mga tawo.

Mateo 7:5

Eaom nimo hay mayad ka gid-ing! Bue-a anay ro tablon sa imong mata agod makakita ka it mayad bago mo bue-on ro puling ku imong isigkapareho.

Lucas 11:44

Makaeueuoy kamo nga mga Pariseo ay makangingidlis gid ro matabo kinyo sa ulihi! Pareho kamo it mga eueubngan nga owa it tanda ag ginatapak-tapakan eang it mga tawo ay owa sanda kasayod nga may nagakaeunot gali idto sa sueod.”

Lucas 12:56

Mga ipokrito gid 't-a kamo! Eaom ninyo hay maaeam gid kamo! Kaantigo kamo magtugma kon ano ro mangin tyempo sa inyo eang nga pagtan-aw sa eangit ag sa palibot pero indi kamo kaantigo mageubot kon ano ro kahueugan ku mga nagakaeanabo iya kinyo sa makaron nga tyempo.

Lucas 13:15

Nagsabat kana ro Ginuo, “Mga ipokrito gid-a kamo! Bukon abi it inyo nga ginahubad ro inyong asno o baka sa pasindungan ag ginadaea sa pasabsaban bisan Adlaw it Inogpahuway?

Mga Hebreo 5:14

Pero ro mga tumueuo nga ikakompara sa mga may buot eon nga makakaon it matig-a hay ruyon ro mga hamtong eon sa pagtuo. Kaantigo eon sanda magtimbang-timbang kon ano ro mayad o maeain ay ginhanas sanda dikaron.