Mateo 13:2 - Inkeanon

² Kaabo-abo nga mga tawo ro nagtilipon sa anang palibot ngani nagsakay imaw sa baroto nga idto sa may bi-bi ag naglingkod samtang idto ma't-a ro tanan nga mga tawo sa baybayon nagatilindog.

Mateo 13:2 Iomraidhean Croise

Mateo 15:30

Kaabo-abo nga tawo ro nag-adto idto kana ag gindaea nanda ro andang mga masakiton, mga eupog, mga bulag, mga paki, mga uwaw ag abo pa nga sari-saring masakit. Ratong mga masakiton hay gindaea nanda sa atubang ni Jesus ag ana sanda tanan nga ginpamayad.

Mateo 4:25

Tungod kara, kaabo-abo gid nga mga tawo ro nagsunod kana nga naghalin sa mga lugar it Galilea, Judea, Jerusalem, Decapolis ag pati man sa tabok ku suba it Jordan.

Marcos 4:1

Kaisaea kato, nagturo eon man si Jesus sa mga tawo idto sa baybayon ku Dagat it Galilea. Kaabo-abo ro mga tawo nga nagtilipon sa anang palibot, ngani nagsakay imaw ag lumingkod sa baroto nga idto sa may bi-bi. Ro tanan nga mga tawo ma't-a hay idto sa baybayon.

Lucas 5:3

Nagsakay si Jesus sa sambilog sa mga baroto idto. Ro tag-ana ku baroto ngato hay si Simon. Ana dayon nga ginpangabay si Simon nga itikeod sa madaeom-daeom ro baroto. Pagkatapos, nagpungko imaw sa baroto ag nagturo sa mga tawo nga idto sa baybayon.