Mateo 11:2 - Inkeanon

² Si Juan ma't-a nga Manogbawtismo hay idto sa prisuhan tag nakabati imaw ku mga ginahimo ni Kristo. Ginpaadto dayon nana idto ro pila ku anang sumueunod agod mangutana.

Mateo 11:2 Iomraidhean Croise

Mateo 1:17

Ro nakalista nga linahi ni Jesu-Kristo hay 14 ka henerasyon halin kay Abraham hasta kay Haring David. 14 man nga ka henerasyon halin kay David hasta sa tyempo nga ginbihag ro mga nagaistar sa Jerusalem ag gindaea sa Babilonya agod mangin mga ulipon. Ag 14 pa gid ka henerasyon halin ku pagdaea kanda sa Babilonya hasta sa pagkatawo ku Kristo, ro Maneueuwas nga ginpromisa it Dyos.

Mateo 14:3

Naghambae karon si Herodes dahil sa anang gin-obra kato kay Juan. Kato abi hay ana nga ginpadakop si Juan ag ginpapriso agod sundon ro gusto ni Herodias. Rayang si Herodias hay hipag ni Herodes nga anang gin-agaw kay Felipe nga anang igmanghod.

Mateo 4:12

Owa mabuhayi, nakabati si Jesus nga ginpriso si Juan nga Manogbawtismo. Pagkabati nana kato hay nagbalik dayon imaw sa probinsya it Galilea

Mateo 9:14

Ku ulihi, nag-adto kay Jesus ro mga sumueunod ni Juan nga Manogbawtismo ag nagpangutana, “Permi kaming gapuasa ag pati man ro mga Pariseo. Hay ham-an it owa't-a gapuasa ro imo nga mga sumueunod?”

Marcos 6:17

Naghambae karon si Herodes dahil sa anang gin-obra kato kay Juan. Kato abi hay ana nga ginpadakop si Juan ag ginpapriso, agod sundon ro gusto ni Herodias. Rayang si Herodias hay hipag ni Herodes, nga anang gin-agaw kay Felipe nga anang igmanghod.

Lucas 3:19

Bisan pa ngani si Gobernador Herodes hay ginbinadlong ni Juan tungod gin-asawa ni Herodes ro ana mismong hipag nga si Herodias ag dahil man sa iba pa nanang mga maeain nga ginaobra.

Lucas 9:7

Owa mabuhayi hay habatian ni Herodes nga gobernador it Galilea ro tanan ngarang ginpang-obra ni Jesus ag naglitik ro anang ueo ay gahinambae ro iba nga nabanhaw 't-a kuno si Juan nga Manogbawtismo.

Juan 4:1

Ro mga Pariseo hay nakabalita nga ro ay Jesus nga ginakumbinsi nga mangin anang mga sumueunod hay mas nagainabo pati ro anang ginabawtismuhan kaysa sa ay Juan.