Mateo 11:1 - Inkeanon

¹ Pagkatapos ni Jesus it hambae ku anang mga bilin sa anang dose nga ka sumueunod hay naghalin dayon imaw sa ratong lugar ag nag-adto sa iba pang mga kabanwahan it Galilea agod magturo ag magwali.

Mateo 11:1 Iomraidhean Croise

Mateo 28:20

Tud-i sanda nga tumanon ro tanan nga ginsugo ko kinyo. Ginapasalig ko kamo nga ibhan ko gid kamo permi hasta sa katapusan it kalibutan.”

Mateo 4:23

Naglinibot si Jesus sa bilog nga probinsya it Galilea ag nagturo sa mga *sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag ana man nga ginpamayad ro tanang klasi it baeatian ag masakit ku mga tawo.

Mateo 7:28

Pagkatapos ni Jesus it turo ku tanan ngara hay hangawa rondatong kaabo nga mga tawo sa anang pagturo.

Mateo 9:35

Pagkatapos hay naglinibot si Jesus sa mga kabanwahan, ag kabaryuhan ag nagturo sa mga sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag anang ginpamayad ro tanang klasi it baeatian ag masakit ku mga tawo.

Marcos 6:12

Nagpanaw dayon ro mga sumueunod ag nagwali sa mga tawo nga dapat sanda nga maghinuesoe ag matalikod sa andang mga saea.

Lucas 23:5

Pero nagpinilit gid sanda. Hambae nanda, “Nakalibot eon imaw sa bilog nga nasyon namon ag ginsuesuean nana ro mga tawo agod maggulo paagi sa anang mga ginaturo. Idto pa't-a ron imaw nag-umpisa sa probinsya it Galilea, ag makaron hay nakaabot eon ngani imaw iya sa among probinsya it Judea.”

Lucas 8:1

Pagkatapos kato hay naglinibot si Jesus sa mga kabanwahan ag kabaryuhan ag nagwali ku Mayad nga Balita parti sa paghari it Dyos. Nagsunod man kana ro anang doseng ka apostoles.

Juan 15:14

Kamo hay akong mga amigo kon ginatuman ninyo ro akong mga sugo kinyo.

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 10:42

Ag ginsugo nana kami nga magwali ku Mayad nga Balita sa mga tawo, ag magpamatuod nga imaw ro ginbutang it Dyos nga maghukom sa mga buhi ag sa mga patay sa ulihi.

1 Tesalonica 4:2

Sayod gid kamo nga ro among mga sugo kato kinyo hay kay Ginuong Jesus mismo naghalin.

2 Tesalonica 3:10

Tag inha pa ngani kami kinyo, ginhinambaean namon kamo nga ro owa naila magtrabaho hay indi man pagpakan-on.

2 Tesalonica 3:6

Mga igmanghod, dahil sa otoridad nga gintao kamon ku atong Ginuo nga si Jesu-Kristo, ginasugo namon kamo nga likawan ro inyong mga igmanghod sa pagtuo inha nga nagatinamad ag nagapangabuhi nga bukon it suno sa amon nga ginturo kinyo.

1 Timoteo 6:14

tumanon ro akong mga bilin kimo. Siguruha nga tama gid ag owa it kasawayan ro imong pagtuman karon, hasta sa pag-abot ku atong Ginuo nga si Jesu-Kristo.