Mateo 10:5 - Inkeanon

⁵ Sandang dose hay ginpapanaw ni Jesus ag ginbilinan, “Panaw kamo pero ayaw kamo it adto sa mga lugar nga ginaistaran it bukon it aton nga mga kadugo, ag sa mga banwa nga ginaistaran it mga *Samaritano,

Mateo 10:5 Iomraidhean Croise

Mateo 22:3

Kat haom eon ro tanan, ginpasueang nana sa anang pilang ka ulipon ro andang mga ginkangay sa ponsyon, pero nagbaealibad sanda nga mag-adto.

Mateo 4:15

“Idto sa mga lugar nga ginaistaran ku mga inapo nanday Zabulon ag Naftali, sa lugar man nga paadto sa dagat, sa lugar nga idto man sa tabok it suba it Jordan, ag sa lugar pa gid it Galilea kon siin nagaistar ro abo nga mga owa nagakilaea sa Dyos,

Marcos 6:7

Owa magbuhay, ginpatipon ni Jesus ro dose nana nga ka mga sumueunod ag ginsugo nana sanda nga magpanaw it tig-daywa-daywa, ag gintaw-an nana sanda it otoridad ag gahom nga magsuboe it mga maeain nga espirito.

Lucas 10:1

Pagkataliwan it pilang adlaw, si Jesus hay nagpili it 72 pa gid nga ka tawo halin sa tanan nanang mga sumueunod. Ginpapanaw nana sanda it tig daywa-daywa ag ginpaadto sa tanan nga mga banwa ag lugar nga ana nga aeadtunan sa ulihi.

Lucas 10:33

Ku ulihi hay may sangka *Samaritano nga haagi man dikato, ag pagkakita nana sa ratong tawo hay naeuoy gid imaw it duro.

Lucas 17:16

Naghapa imaw sa atubang ni Jesus ag nagpinasaeamat kana. TagaSamaria pa gali ro tawo ngato.

Lucas 9:1

Kaisaea kato, ginpatipon ni Jesus ro dose nanang ka mga sumueunod ag gintaw-an nana sanda it otoridad ag gahom nga magpangsuboe it tanan nga demonyo ag magpamayad it mga baeatian.

Lucas 9:2

Ana dayon sanda nga ginpapanaw agod magwali parti sa paghari it Dyos sa anang mga sinakpan ag magpamayad it mga masakiton.

Juan 17:18

Ginapadaea ko sanda agod ituro ro imong mensahi sa mga owa pa nagatuo kakon, pareho ku imong pagpadaea kakon iya.

Juan 20:21

Naghambae it uman si Jesus kanda, “Patawhaya ro inyong paino-ino. Ipadaea ko kamo agod ituro ro mensahi it Dyos pareho ku pagpadaea kakon iya ku Ama.”

Juan 4:20

Iya sa bukid ngara kato nagsimba sa Dyos ro atong mga kalolo-lolohan, pero kon kinyo nga mga Judio hay sa Jerusalem eang ro lugar kon siin dapat magsimba.”

Juan 4:5

Tag idto eon sanda sa Samaria, nakaabot sanda sa banwa it Sicar nga maeapit sa eugta nga ginpapanubli anay ni Jacob sa anang unga nga si Jose.

Juan 4:9

Hakibot ro bayi sa ginhambae ni Jesus ngani sinana ku bayi, “Ha? Judio ka't-ing, tapos mangayo ka it tubi kakon nga Samaritanhon, ag bayi pa!” (Ruyon sinana ku bayi ay indi maggamit ro mga Judio ku ilimnan o kaean-an nga hagamit eon ku mga Samaritanhon.)

Juan 7:35

Ngani nagpaeangutan-an ro mga manogdumaea, “Siin baea imaw ra gaadto nga indi't-a kuno naton imaw makita? Hay pa maadto gid ron abi imaw sa atong mga kadugo nga idto gaistar sa mga lugar ku mga bukon it Judio agod tud-an sanda ag pati man ro mga bukon it Judio?

Juan 8:48

Naghambae dayon ro mga Judio ngato kay Jesus, “Tama gid-a ro amon nga hambae nga pareho ka sa makangingil-ad nga Samaritanhon ag ginagamhan ka pa it demonyo!”

Mga Binuhatan 1:8

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Mga Binuhatan 10:45

Hangawa gid-a ro mga tumueuo nga mga Judio nga nagsunod kay Pedro halin sa Joppa ay mat binu-bu man nga owa it hawid-hawid it Dyos ro Espirito Santo sa mga bukon it Judio.

Mga Binuhatan 8:1

Ku rato mismo nga adlaw nga ginpatay si Esteban hay nag-umpisa man ro grabi nga paghingabot sa mga tumueuo idto sa Jerusalem. Gineubong si Esteban ku mga tawo nga matinumanon sa Dyos ag grabi ro andang pagtinangis sa anang pagkamatay. Pero si Saulo hay kompormi gid sa pagpatay ngato kay Esteban. Ana gid nga ginhiningabot ro tanan nga mga tumueuo agod owa it mabilin kanda. Sige ro anang pagpamaeay-baeay ag pagpinangguyod ku mga tumueuo, eaki man o bayi, agod ipapriso. Mawron nga nagtaeapeaag ro tanan nga mga tumueuo sa kon siin-siin nga mga lugar sa mga probinsya it Judea ag Samaria. Ro owa eang maghalin sa Jerusalem hay ro mga apostoles.

1 Tesalonica 2:16

Ginapugngan kunta nanda kami sa pagsugid ku mensahi it Dyos sa mga bukon it Judio agod maeuwas ra sanda. Sa andang ginahimo ngaron hay mas kapin nandang ginadugangan ro mga saea nga ginhinimo ku andang kalolo-lolohan halin pa kato. Ngani naakig gid ro Dyos kanda ag kon mapuno eon imaw hay indi nanda malikawan ro anang pina.