Mateo 10:3 - Inkeanon

³ si Felipe, si Bartolome, si Tomas, si Mateo nga *manogsukot it buhis, si Santiago nga unga ni Alfeus, ag si Tadeus,

Mateo 10:3 Iomraidhean Croise

Mateo 18:17

Kon indi gihapon imaw magpamati kanda hay idangop mo sa mga kaigmanghuran sa inyong grupo. Pero kon indi ma't-a gihapon imaw magpamati sa ginahambae kana ku mga kaigmanghuran hay bilanga ninyo imaw nga owa nagakilaea sa Dyos ag makasasaea pareho it manogluko nga *manogsukot it buhis.”

Mateo 27:56

Kaibahan ku mga bayi ngato sanday Maria Magdalena, Maria nga nanay nanday Santiago ag Jose, ag ro nanay ku mga unga ni Zebedeo.

Mateo 9:9

Pagkatapos, nagpanaw si Jesus. Tag nagatikang imaw, hakita nana ro *manogsukot it buhis nga si Mateo ro ngaean nga nagapungko sa anang opisina nga ginabayaran it buhis. Ginhambae imaw ni Jesus, “Mali eon ay obrahon ko ikaw nga akon nga sumueunod.” Nagtindog dayon si Mateo ag nagsunod kay Jesus agod mangin ana nga sumueunod.

Marcos 15:40

Idto sa maeayo-eayo hay may mga bayi nga nagapinamantaw. Kaibahan ku mga bayi ngato hay sanday Maria Magdalena, Salome, ag Maria nga nanay ku magmanghod nga si Joses ag si Santiago nga Putot.

Marcos 2:14

Pagkatapos, tag nagatikang imaw hay hakita nana ro unga ni Alfeus nga si Levi nga *manogsukot it buhis. Idto imaw nagapungko sa opisina nga ginabayaran it buhis. Gintawag imaw ni Jesus, “Mali eon ay obrahon ko ikaw nga akon nga sumueunod.” Nagtindog dayon si Levi ag nagsunod kana agod mangin ana nga sumueunod.

Marcos 3:18

Kaibahan man si Andres, si Felipe, si Bartolome, si Mateo, si Tomas, si Santiago nga unga ni Alfeus, si Tadeus, si Simon (nga isaeang ka rebelde anay sa paggobyerno it Roma),

Lucas 18:10

Hambae ni Jesus, “May daywang ka tawo nga nagsueod sa Templo agod magpangamuyo. Ro sambato hay Pariseo ag ro isaea hay *manogsukot it buhis.

Lucas 18:11

Nagtindog ro Pariseo ag nagpangamuyo nga ginapabugae ra kaugalingon. Hambae nana, ‘Gapasaeamat ako kimo, Dyos ko, nga bukon ako it pareho ku ibang tawo nga buyong, bukon it matarong, ag hangawatan. Ag gapasaeamat gid-ang nga bukon ako it pareho ku *manogsukot it buhis ngato.

Lucas 18:13

“Pero ro *manogsukot it buhis ma't-a nga nagatindog idto sa maeayo-eayo hay indi ngani makatangda sa eangit sa kahuya ag ginabinayo ro anang dughan, tanda ku anang paghinuesoe. Hambae nana, ‘Makasasaea ako, Dyos ko. Kaeuuyi man ako!’ ”

Lucas 19:2

May tagaidto nga si Zakeus ro anang ngaean. Pinuno ra imaw it mga *manogsukot it buhis idto ag isaeang ka manggaranon.

Lucas 5:27

Pagkataliwan it pilang adlaw, nagpanaw si Jesus. Tag nagatikang imaw, hakita nana ro *manogsukot it buhis nga si Levi ro ngaean nga nagapungko sa anang opisina nga ginabayaran it buhis. Gintawag imaw ni Jesus, “Mali eon ay obrahon ko ikaw nga akon nga sumueunod.”

Juan 1:48

Ginpangutana imaw ni Nataniel, “Ham-an it kilaea mo't-a ako?” Nagsabat si Jesus, “Nakita ko eon ikaw sa idaeom it puno it higera bago ka pa ginsueang ni Felipe.”

Juan 11:16

Tapos, si Tomas nga Kapid ro anang hayo hay naghambae sa anang mga kaibahan nga mga sumueunod, “Musyon, mamunot kita kay Jesus sa Judea. Maunong kita kana hasta sa kamatayon.”

Juan 14:22

Tapos hay nagpangutana si Judas (bukon ra it tag si Judas Iscariote), “Ginuo, ano ro natabo nga kamon eang nimo ipahayag kon sin-o ka gid? Dapat 't-a kunta hay sa tanan nga mga tawo!”

Juan 14:5

Ginsabat imaw ni Tomas, “Ginuo, owa ngani kami kasayod kon siin ka gaadto. Hay paalin namon masayran ro daean paadto idto?”

Juan 14:9

Nagsabat si Jesus, “Felipe, mabuhay eon ro akong pag-iniba kinyo ag owa ka't-ing gihapon kakilaea kakon? Ro nakakita kakon hay nakakita man sa akong Ama. Ham-an it gahambae ka pa nga ipakita ko kinyo ro akong Ama?

Juan 21:2

Nagtililipon sanday Simon Pedro, Tomas nga Kapid ro hayo, Nataniel nga tagaCana sa Galilea, ro daywang ka unga ni Zebedeo ag ro daywa pa gid ku ay Jesus nga mga sumueunod.

Mga Binuhatan 1:13

Pag-abot idto, nagsaka sanda sa ibabaw ku baeay nga andang ginadayunan. Rato hay sanday Pedro, Juan, Santiago, Andres, Felipe, Tomas, Bartolome, Mateo, Santiago nga unga ni Alfeus, si Simon nga isaeang ka rebelde anay sa paggobyerno it Roma, ag si Judas nga ro anang ama hay Santiago man ro ngaean.

Mga Binuhatan 12:17

Ginsinyasan sanda ni Pedro nga maghipos. Pagkatapos, ginsugid nana kon paalin imaw ginpaguwa it Ginuo sa prisuhan. Ana dayon sanda nga ginbilinan, “Sugiri ninyo kara si Santiago ag ro mga kaigmanghuran naton sa pagtuo.” Nagpanaw dayon imaw sa ibang lugar.

Mga Binuhatan 15:13

Pagkatapos nanda it hambae, naghambae man si Santiago, “Mga igmanghod, pamati kamo kakon.

Mga Binuhatan 21:18

Pagkaaga, nagbisita kami nanday Pablo kay Santiago. Pag-abot namon hay idto man pati ro iba pa nga mga manogdumaea it mga tumueuo.

Mga TagaGalacia 1:19

Ag owa man ako it hakita nga ibang apostoles idto mageuwas kay Santiago nga igmanghod ku atong Ginuo.

Mga TagaGalacia 2:9

Ngani pagkasayod man ku mga ginakilaea nga mga mataas nga pinuno it mga tumueuo nga sanday Santiago, Pedro ag Juan nga ginpakamaayo ro akong pagturo sa mga bukon it Judio hay ginbaton nanda kami ni Barnabas bilang andang kaibahan sa pagsugid ku Mayad nga Balita. Nagkaeasugot kami nga ako ag si Barnabas ro maadto sa mga bukon it Judio ag sanda sa mga Judio.

Santiago 1:1

Raya nga sueat hay halin kakon nga si Santiago nga isaeang ka ulipon it Dyos ag ni Ginuong Jesu-Kristo. Nagasueat ako kinyo nga mga inapo ni *Israel nga nagatuo kay Jesu-Kristo ag nagaistar eon sa nagakaeain-eain nga lugar sa kalibutan. Kumusta lang kinyo tanan.

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.