Mateo 10:2 - Inkeanon

² Raya ro mga ngaean ku doseng ka *apostoles ni Jesus: si Simon nga ginatawag man nga Pedro, si Andres nga igmanghod ni Simon, ro mga unga ni Zebedeo nga sanday Santiago ag Juan,

Mateo 10:2 Iomraidhean Croise

Mateo 17:1

Pagkataliwan it an-om nga adlaw, gindaea ni Jesus si Pedro, ro magmanghod nga si Juan ag si Santiago ag nagsaka sanda sa mataas nga bukid nga sanda-sanda eang.

Mateo 20:20

Pagkatapos, nag-adto kay Jesus ro nanay ku daywang ka unga ni Zebedeo. Nageuhod imaw sa atubang ni Jesus ay may ginahinyo imaw kana.

Mateo 26:37

Gindaea nana sa unahan si Pedro ag ro daywang ka magmanghod nga mga unga ni Zebedeo. Nakabatyag dayon si Jesus it kasubo ag indi imaw himayang.

Mateo 4:18

Isaeang adlaw, tag nagatikang si Jesus sa baybayon ku Dagat it Galilea hay hakita nana ro magmanghod nga sanday Simon nga ginatawag man nga Pedro ag si Andres nga nagaitsa ku andang eaya sa dagat. Pagpangisda ro pangita ku magmanghod ngara.

Mateo 4:21

Nagtinikang sanda ag pag-abot sa unahan hay hakita man ni Jesus sanday Santiago ag ro anang igmanghod nga si Juan kaibahan ro andang ama nga si Zebedeo sa andang baroto nga nagakaayad ku andang mga eaya. Gintawag ni Jesus ro magmanghod agod mangin anang mga sumueunod.

Marcos 1:29

Pagguwa ni Jesus sa sinagoga ngato kaibahan sanday Juan ag Santiago hay nag-adto dayon sanda sa baeay nanday Simon ag Andres.

Marcos 13:3

Ku ulihi, tag nagapungko si Jesus sa parti it Bukid it Olibo kon siin kitaon ro Templo idto sa tabok, nagpaeapit kana sanday Pedro, Santiago, Juan ag Andres nga sanda-sanda eang. Nagpangutana sanda kana,

Marcos 6:30

Pagkatapos ku andang panaw hay nagbalik ro mga apostoles kay Jesus. Ginsugid dayon nanda kana ro tanan nandang gin-obra ag ginturo.

Lucas 11:49

Raya ro ginhambae ku maaeam nga Dyos parti kinyo: ‘Paadtunan ko sanda sa mga propeta ag mga apostoles. Pamatyon nanda ro iba sa akong mga paadtunon ag hingabuton ro iba.’

Lucas 22:14

Tag oras eon nga inog-ihapon, nagkaon si Jesus kaibahan ro mga apostoles.

Lucas 22:8

Ngani ginsugo ni Jesus sanday Pedro ag Juan. Hambae ni Jesus, “Panaw eon kamo ag magpahaom ku atong ihapon sa rayang Pagdumdum ku *Pagtaliwan.”

Lucas 5:10

pati man ro mga unga ni Zebedeo nga sanday Santiago ag Juan. Kaibahan gid ra sanda ni Simon sa pagpangisda. Nagsabat si Jesus kay Simon, “Ayaw mahadlok. Umpisa makaron, imbis nga isda ro inyong dakpon hay tawo ro inyong kumbinsihon nga magtuo kakon.”

Lucas 9:10

Pagbalik ku mga apostoles halin sa andang panaw, ginsugid nanda kay Jesus ro andang gin-obra. Gindaea dayon nana sanda sa lugar nga maeapit sa banwa it Betsaida agod sanda-sanda eang idto.

Juan 12:22

Ngani nag-adto si Felipe kay Andres ag ginsugiran imaw. Nag-adto dayon sanda kay Jesus ag ginsugiran man nanda imaw ku ginhambae it mga bukon it Judio ngato.

Juan 13:23

Ro sumueunod nga palangga gid ni Jesus hay una sa anang tuo nga lugar it kadungganan.

Juan 20:2

Dumaeagan imaw ag inadtunan si Simon Pedro ag tag sumueunod nga palangga ni Jesus. Ginhambae dayon sanda ni Maria, “Ginbuoe nanda ro Ginuo sa eueubngan ag tao kon siin nanda imaw pagdaeha.”

Juan 21:2

Nagtililipon sanday Simon Pedro, Tomas nga Kapid ro hayo, Nataniel nga tagaCana sa Galilea, ro daywang ka unga ni Zebedeo ag ro daywa pa gid ku ay Jesus nga mga sumueunod.

Juan 21:20

Nag-adwing si Pedro ag hakita nana ro sumueunod nga palangga ni Jesus nga nagasunod kanda. Imaw ro sumueunod nga nagsandiay sa dughan ni Jesus ku gabii ngato nga gakaon sanda ag nagpangutana kon sin-o kanda ro magatraidor kana.

Juan 21:24

Ako ro sumueunod ngato nga ginaistoryahan nanda, ag ako man ro nagapamatuod ku akong mga nasaksihan, ag ako man ro nagsueat ku tanan ngara iya sa rayang sueat. Ag sayod kami nga ro akong ginsueat hay matuod.

Juan 6:67

Ngani ginhambae nana ro anang dose nga ka sumueunod, “Hay kamo? Indi ma't-a kamo magtalikod kakon no?”

Juan 6:70

Naghambae dayon si Jesus, “Bukon abi nga ako't-a ro nagpili kinyo nga dose? Pero ro sambilog kinyo hay ulipon ni Satanas.”

Juan 6:71

Ro ginapatungdan kato ni Jesus hay si Judas nga unga ni Simon Iscariote, dahil imaw ra ro magatraidor kay Jesus sa ulihi, bisan isaea ra imaw sa dose nana nga ka sumueunod.

Juan 6:8

Tapos, isaea sa mga sumueunod ni Jesus nga si Andres nga igmanghod ni Simon Pedro hay naghambae,

Mga Binuhatan 1:13

Pag-abot idto, nagsaka sanda sa ibabaw ku baeay nga andang ginadayunan. Rato hay sanday Pedro, Juan, Santiago, Andres, Felipe, Tomas, Bartolome, Mateo, Santiago nga unga ni Alfeus, si Simon nga isaeang ka rebelde anay sa paggobyerno it Roma, ag si Judas nga ro anang ama hay Santiago man ro ngaean.

Mga Binuhatan 1:26

Nagpagabot-gabot dayon sanda ag si Matias ro hagabutan ngani gindugang imaw sa onse ka apostoles.

Mga Binuhatan 12:2

Anang ginpapugutan it ueo si Santiago nga igmanghod ni Juan.

Mga Binuhatan 3:1

Isaeang adlaw, mga alas tres it hapon, nag-adto sanday Pedro ag Juan sa Templo dahil oras rato it pagpangamuyo.

1 Corinto 15:7

Owa magbuhay, hakita man imaw ni Santiago ag ku ulihi hay ku tanan nga mga apostoles.

Mga TagaEfeso 4:11

Ag imaw man ro nagtao sa tanan nanang katawhan it mga tawo nga may sari-saring abilidad. Ro iba kanda hay mga apostoles, ro iba hay mga propeta, ro iba hay mga manogwali nga nagaadto sa ibang lugar agod magsugid ku Mayad nga Balita, ag ro iba ma't-a hay mga pastor nga gadipara ku mga tumueuo ag gaturo man kanda.

Mga Hebreo 3:1

Ngani mga igmanghod ko nga ginpaeain it Dyos nga mangin anang balaan nga mga katawhan, kamo nga parehas man kakon nga gintawag it Dyos agod mangin kaibahan nana idto sa eangit, paino-inoha gid ninyo it mayad si Jesus. Imaw ro ginpadaea iya it Dyos ag imaw man ro atong ginakilaea nga Pinakapinuno nga Saserdote ku doktrina nga atong ginatuuhan.

1 Pedro 1:1

Raya nga sueat hay halin kakon nga si Pedro nga sangka *apostol ni Jesu-Kristo. Nagasueat ako kinyo nga mga katawhan nga pinili it Dyos nga nagapangabuhi bilang mga umaeagi iya sa ibabaw it kalibutan nga makaron hay nagaistar eon sa nagakaeain-eain nga lugar sa mga probinsya it Pontus, Galacia, Capadosia, Asya ag Bitinia.

2 Pedro 1:1

Raya nga sueat hay halin kakon nga si Simon Pedro, nga isaeang ka ulipon ni Jesu-Kristo ag isaea sa anang mga *apostoles. Nagasueat ako kinyo nga nagatuo man kay Jesu-Kristo nga atong Dyos ag Maneueuwas. Ag tungod nga matarong imaw ag owa it pinaeabi hay paeareho ro pagtuo nga gintao nana katon tanan.

2 Juan 1:1

Para kimo, haeangdon nga bayi nga pinili it Dyos, ag sa imo man nga mga unga. Ro nagasueat ngara kinyo hay tag ginakilaea nga Ro Magueang. Isaea ako sa mga magueang nga nagadumaea sa mga tumueuo. Hantop gid sa tagipusuon ro akong paghigugma kinyo, ag bukon eang it ako ro nagahigugma kinyo, kundi pati man ro tanan nga nakasayod ku matuod nga mensahi.

3 Juan 1:1

Para kay Gaius nga ginapalangga ko it hantop gid sa akong tagipusuon. Ro nagasueat ngara hay tag ginakilaea nga Ro Magueang.

Pahayag 1:1

Ro nasueat sa kasueatan ngara hay ro mga butang nga ginpahayag ni Jesu-Kristo parti sa mga dapat magkaeanabo sa indi eon magbuhay. Ro Dyos ro nagpahayag kara kana agod isugid man nana sa tanan nga mga nagaserbi kana. Ngani ginpaadto ni Kristo ro anang anghel agod ipasayod ro mga butang ngara kakon nga si Juan nga isaea sa mga nagaserbi kana.

Pahayag 1:9

Ako si Juan nga isaea sa inyong mga igmanghod sa pagtuo ag pareho man ninyo nga sinakpan it Dyos ag pareho man kinyo nga nagatiis it mga paghingabot ag kasakit tungod mga sumueunod kita ni Jesus. Gintapok ako sa isla it Patmos dahil sa akong pagwali ku mensahi it Dyos ag ku akong pagpamatuod parti kay Jesus.

Pahayag 18:20

Magkalipay kamo tanan nga inha sa eangit, kamo nga mga apostoles ag mga propeta it Dyos, ag kamo nga anang katawhan, dahil ginpinahan nana ruyon nga syudad ag duyon ro baeos sa anang mga maeain nga gin-obra kinyo.

Pahayag 22:8

Ako nga si Juan ro nakabati ag nakakita ku tanan ngara. Pagkabati ag pagkakita ko karon hay naghapa ako sa atubang ku anghel nga nagpakita karon kakon agod simbahon imaw,