Mateo 1:1 - Inkeanon

¹ 4 Raya ro listahan ku kalolo-lolohan ku Maneueuwas nga si Jesus nga isaea sa mga inapo ni Haring David nga isaea man sa mga inapo ni *Abraham.

Mateo 1:1 Iomraidhean Croise

Mateo 1:18

Makaraya ro nagkaeatabo bago natawo ro Maneueuwas nga si Jesus. Si Maria nga anang ina hay kaeasaeon eon kato kay Jose. Pero bago sanda kaslon hay hapan-uhan nanda nga naganabdos eo't-a si Maria paagi sa gahom it Espirito Santo.

Mateo 1:2

Si Abraham ro ama ni Isaac ag si Isaac ro ama ni Jacob. Si Jacob ro ama ni Juda ag ku anang mga igmanghod.

Mateo 15:22

Tag idto eon sanda, may nag-adto kana nga bayi nga tagaidto nga halin sa linahi it mga tagaCanaan kato anay. Nagsininggit ratong bayi, “Ginuo, apo ni Haring David, maeuoy ka kakon! Ginsudlan it demonyo ro akong unga nga bayi ag grabi gid ro anang kahimtangan.”

Mateo 3:16

Pagkabawtismo kay Jesus hay nagbutwa imaw. Pagkabutwa nana hay nagbukas dayon ro eangit ag nakita nana ro Dyos Espirito Santo nga nagapanaog nga kaitsura it salampati ag naghapon kana.

Mateo 9:27

Pagkatapos, nagpanaw si Jesus ag samtang nagatikang imaw, may daywang ka bulag nga nagsunod kana ag nagsininggit, “Apo ni Haring David, kaeuy-i man kami.”

Lucas 1:33

Imaw ro magahari sa mga inapo ni Jacob hasta hin-uno, ag ro anang paghari hay magapadayon hasta sa owa it katapusan.”

Juan 7:42

Bukon abi it nasueat sa Sagradong Kasueatan nga ro Maneueuwas nga ginpromisa it Dyos hay halin sa linahi ni Haring David ag tagabaryo man it Betlehem pareho kana?”

Mga Binuhatan 2:30

Matsa propeta si David sa anang paghambae kato. Hasayran nana nga nagsumpa ro Dyos nga anang obrahon nga hari ro sambilog sa anang mga inapo.

Mga TagaRoma 1:3

Raya nga Mayad nga Balita hay parti sa anang Unga. Bisan unga imaw it Dyos hay nagpakatawo imaw ag bilang tawo hay isaea imaw sa mga inapo ni Haring David.

Mga TagaRoma 4:13

Ginpromisa it Dyos kay Abraham nga panublion nana ag ku anang mga inapo ro kalibutan. Pero bukon it tungod sa andang pagtuman sa kasuguan it Dyos matuman ro promisa ngaron kundi tungod sa anang pagbilang kanda nga matarong dahil sa andang pagtuo kana.

Mga TagaRoma 9:5

Sanda ro mga inapo it mga taeahuron nga kalolo-lolohan namong mga Judio. Ag sa amon man nga linahi naghalin ro Maneueuwas nga si Kristo tag nagpakatawo imaw. Imaw ro Dyos nga eabaw sa tanan ag dapat imaw nga dayawon hasta sa owa't katapusan. Amen.

Mga TagaGalacia 3:16

Raya ro akong gustong maeubtan ninyo. Ro promisa kato it Dyos kay Abraham nga paagi kana hay pakamaayuhon ro tanan nga katawhan hay natuman paagi sa isaea eang sa anang mga inapo. Ro gustong hambaeon ku ratong promisa hay bukon it paagi sa dagaya nga inapo ni Abraham matuman rato kundi sa sambato eang ag rato hay si Kristo.

1 Timoteo 2:5

Ag puydi nga matabo ron kon magdangop sanda kana ay imaw gid lang ro sarang nga madangpan it tawo. Sambilog eang ro Dyos ag sambilog eang ro manogpatunga sa Dyos ag sa tawo, ag owa ra it iba kundi si Kristo Jesus nga nagpakatawo.

2 Timoteo 2:8

Dumduma permi si Jesu-Kristo. Imaw ro Maneueuwas nga ginbanhaw it Dyos ag isaea imaw sa mga inapo ni Haring David. Raya ro Mayad nga Balita nga akong ginawali.

Pahayag 22:16

Hambae pa gid ni Jesus, “Ako nga si Jesus ro nagpaadto ku akong anghel agod magpamatuod parti sa mga butang ngara kinyo nga mga grupo it mga tumueuo. Apo gid ako ni Haring David, ag ako man ro ginatawag nga mahayag nga bituon nga nagapakita kon aga-aga.”