Lucas 9:7 - Inkeanon

⁷ Owa mabuhayi hay habatian ni Herodes nga gobernador it Galilea ro tanan ngarang ginpang-obra ni Jesus ag naglitik ro anang ueo ay gahinambae ro iba nga nabanhaw 't-a kuno si Juan nga Manogbawtismo.

Lucas 9:7 Iomraidhean Croise

Mateo 11:2

Si Juan ma't-a nga Manogbawtismo hay idto sa prisuhan tag nakabati imaw ku mga ginahimo ni Kristo. Ginpaadto dayon nana idto ro pila ku anang sumueunod agod mangutana.

Marcos 8:28

Nagsabat sanda, “May gahambae nga si Juan nga Manogbawtismo ka kuno. Kon sa iba ma't-a, ikaw kuno kat si Elias anay. Sa iba pa gid hay isaea ka kuno sa iba pang mga propeta kato anay.”

Lucas 13:31

Pagkahambae karon ni Jesus, may nag-abot dayon nga mga Pariseo ag naghambae kana, “Halin eon iya ay gusto ka nga ipapatay ni Herodes.”

Lucas 21:25

Nagpadayon si Jesus it hambae, “May makangawa-ngawa nga matabo sa adlaw, sa buean ag sa mga bituon nga mga paeatandaan nga madali eon lang ako magbalik. Iya sa kalibutan hay magaumang ro mga pumueuyo it mga nasyon sa kabaskog it humbak ag kasangag it kadagatan.

Lucas 23:7

Ro Galilea hay sakop it pagdumaea ni Herodes. Pagkasayod ni Pilato nga tagaidto si Jesus hay ginpapadaea nana si Jesus idto kay Herodes nga hatabuan ma't-a kato nga idto sa Jerusalem.

Lucas 3:1

Nagtaliwan ro mga dinag-on hasta nag-abot ro ika-15 anyos ku paghari ni Tiberius bilang Emperador it Roma. Ro gobernador kato it Judea hay si Poncio Pilato, ag ro gobernador it Galilea hay si Herodes. Si Felipe nga igmanghod ni Herodes ro manogdumaea it Iturea ag Traconitis. Ro manogdumaea it Abilenia hay si Lisanias.

Lucas 9:19

Nagsabat sanda, “May gahambae nga si Juan nga Manogbawtismo ka kuno. Kon sa iba ma't-a, ikaw kuno hay kat si Elias anay. Sa iba pa gid hay may nabanhaw nga isaea sa mga propeta man kato anay.”