Lucas 9:59 - Inkeanon

⁵⁹ Tapos, may sangka tawo nga ginhambae ni Jesus, “Musyon. Sunod kakon.” Pero nagsabat ratong tawo, “Ginuo, gusto ko nga mangin sumueunod nimo, pero mauli anay kunta ako ag ipaeubong ro akong ama.”

Lucas 9:59 Iomraidhean Croise

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mateo 6:33

Imbis nga ruyon ro inyong pag-inisipon hay unaha ninyo eabaw sa tanan ro pagpasakop permi sa paghari it Dyos sa inyong tagipusuon, ag ro paghimo it matarong sa anang panueok. Ana dayon kamo nga taw-an ku tanan ninyong kinahangeanon.

Mateo 9:9

Pagkatapos, nagpanaw si Jesus. Tag nagatikang imaw, hakita nana ro *manogsukot it buhis nga si Mateo ro ngaean nga nagapungko sa anang opisina nga ginabayaran it buhis. Ginhambae imaw ni Jesus, “Mali eon ay obrahon ko ikaw nga akon nga sumueunod.” Nagtindog dayon si Mateo ag nagsunod kay Jesus agod mangin ana nga sumueunod.

Lucas 9:60

Nagsabat si Jesus, “Pabay-i ro mga patay sa panueok it Dyos nga mageubong ku andang patay. Pero ikaw't-a hay magpanaw ag magwali parti sa paghari it Dyos.”