Lucas 9:51 - Inkeanon

⁵¹ Tag madali lang mag-abot ro adlaw nga magakayab si Jesus sa eangit, nagdesidir imaw nga mag-adto sa Jerusalem.

Lucas 9:51 Iomraidhean Croise

Marcos 16:19

Pagkahambae kara ni Jesus sa anang mga sumueunod hay ginpakayab imaw sa eangit, ag nagpungko dayon imaw sa pinakadungganon nga pwesto sa tuo it Dyos.

Lucas 12:50

Pero dapat gid anay nga mag-agi ako it kalisod ag kasakit ag indi gid ako ngara himayang hasta indi pa ron matapos.

Lucas 13:22

Pagkatapos, nagpadayon si Jesus sa anang pagpamanawon paadto sa Jerusalem. Nagturo imaw sa mga tawo sa mga kabanwahan ag kabaryuhan nga andang ginaagyan.

Lucas 17:11

Tag nagapadayon si Jesus sa anang pagpamanawon paadto sa Jerusalem, idto imaw nag-agi sa may dueunan it probinsya it Samaria ag probinsya it Galilea.

Lucas 18:31

Gindaea dayon ni Jesus sa binit ro anang dose nga ka sumueunod ag ginhambae, “Pamati anay kamo kakon! Nagapaeangop eon kita sa Jerusalem ag ro tanan nga ginsueat it mga propeta parti kakon nga Unga it Tawo nga idto matabo hay matuman.

Lucas 19:11

Tag nagapamati pa kay Jesus ro mga tawo, may ginsugid imaw kanda nga paanggid nga istorya dahil maeapit eon imaw sa Jerusalem, ag ro eaom ku mga tawo ngara hay maumpisa eon ro paghari it Dyos pag-abot nana sa syudad.

Lucas 19:28

Pagkatapos ni Jesus it hambae karon, nagpadayon sanda sa andang pagpamanawon paadto sa Jerusalem. Tag nagatikang sanda hay nag-una imaw sa anang mga kaibahan.

Lucas 24:51

Samtang ginabendisyunan nana sanda hay amat-amat imaw nga nagbueag kanda ag ginpakayab sa eangit.

Lucas 9:57

Tag nagapinanaw sanda, may eaki nga naghambae kay Jesus, “Mamunot ako kimo bisan siin ka mag-adto bilang isaea sa imong mga sumueunod.”

Juan 13:1

Nag-abot eon ro oras it ihapon sa Pagtililipon sa Pagdumdum ku *Pagtaliwan. Sayod ni Jesus nga nag-abot eon ro oras nga magahalin imaw sa rayang kalibutan ag magabalik sa anang Ama. Halin pa ku primero hay ginhigugma gid ni Jesus ro anang mga katawhan iya sa kalibutan, ag makaron eon ro oras nga ipakita nana ro kabahoe ku anang paghigugma kanda.

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 16:5

Makaron pa eang ay gabalik eon ako sa nagpadaea iya kakon. Pero owa gid-a it bisan sambilog kinyo nga nagapangutana kon siin ron.

Juan 17:11

Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 6:62

Paalin abi kon hikita ninyo ako nga Unga it Tawo nga magakayab sa eangit nga akong ginhalinan?

Mga Binuhatan 1:9

Pagkahambae kara ni Jesus hay nag-amat-amat imaw it kayab samtang nagatan-aw ro mga apostoles hasta nga ginsalipdan imaw it daeaura ag owa eon nanda imaw hikita.

Mga TagaEfeso 1:20

ana kato nga ginbanhaw si Kristo ag ginpapungko sa anang tuo nga lugar it kadungganan sa eangit.

Mga TagaFilipos 3:14

Ro akong kahalimbawa hay manogkarera nga ro ginaeagas hay makaabot sa punta agod mabaton ko ro premyo nga itao it Dyos sa tanan nga anang gintawag nga magkabuhi kaibahan nana sa eangit dahil sa ginhimo ni Kristo Jesus.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.

Mga Hebreo 6:20

Ro Pinakasagrado nga Kwarto ngaron hay nagasimbolo ku parti it eangit kon siin ro trono it Dyos Ama. Ag idto eon nag-una katon si Jesus bilang atong tigeawas sa atubang it Dyos Ama, dahil imaw ro aton nga Pinakapinuno nga Saserdote hasta sa owa it katapusan. Ro anang pagkasaserdote hay pareho ku pagkasaserdote ni Melkizedek kato anay.

1 Pedro 3:22

Idto eon si Kristo sa eangit sa pinakadungganon nga pwesto sa tuo it Dyos ag ginbutang eon sa anang paghari ro mga anghel ag ro iba pa nga mga espirito nga may otoridad ag gahom.