Lucas 9:49 - Inkeanon

⁴⁹ Tapos, naghambae si Juan, “Sir, nakakita kami it tawo nga nagagamit ku imong ngaean sa pagsuboe it mga demonyo. Ginbawaean 't-a namon imaw ay bukon man abi naton imaw it kaibahan.”

Lucas 9:49 Iomraidhean Croise

Mateo 3:14

Pero ginabalibaran kunta imaw ni Juan. Hambae nana, “Ham-an it kakon ka gapabawtismo ay ako't-a ngani ro dapat nimong bawtismuhan?”

Lucas 5:5

Nagsabat si Simon, “Abaw, Sir, sang gabii ro among pagpinangisda pero owa gid kami it dakop. Pero bangod ruyon ro imong hambae hay di sige, itaktak ko ro mga lambat.”

Lucas 9:33

Tag nagabueag eon kay Jesus ratong daywa, naghambae si Pedro kay Jesus, “Sir, mayad ngani ay iya kami. Mayad siguro maobra kami it tatlong ka panilungan. Sambilog para kimo, sambilog para kay Moises ag sambilog man para kay Elias.” Matsa owa sa paino-ino ni Pedro ro ana ngatong ginhambae.

Mga Binuhatan 5:28

Hambae nana, “Ginpaandaman gid-a namon kamo nga indi eon magturo parti sa tawo ngato, pero ano ro inyong gin-obra? Inyo pa gid ngani nga ginpaeapnaag sa bilog nga Jerusalem ro inyong ginaturo. Ag ro sambilog pa hay kami ro inyong ginapapanabat ku kamatayon ku tawo ngato!”

1 Tesalonica 2:16

Ginapugngan kunta nanda kami sa pagsugid ku mensahi it Dyos sa mga bukon it Judio agod maeuwas ra sanda. Sa andang ginahimo ngaron hay mas kapin nandang ginadugangan ro mga saea nga ginhinimo ku andang kalolo-lolohan halin pa kato. Ngani naakig gid ro Dyos kanda ag kon mapuno eon imaw hay indi nanda malikawan ro anang pina.