Lucas 9:44 - Inkeanon

⁴⁴ “Tamnan gid sa inyong paino-ino ro ihambae ko ngara. Ako nga Unga it Tawo hay traiduron ag itugyan sa mga manogdumaea.”

Lucas 9:44 Iomraidhean Croise

Mateo 16:21

Dikato eon ni Jesus gin-umpisahan it pagpaathag sa anang mga sumueunod nga dapat gid imaw mag-adto sa Jerusalem ag mag-antos it abo nga kalisod sa alima ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon pero banhawon man dayon pagkatatlong adlaw.

Mateo 26:2

“Sayod kamo nga daywang adlaw eon lang ag Pagtililipon eon sa Pagdumdum ku *Pagtaliwan. Dikato man ako nga Unga it Tawo hay pagadakpon ag itugyan sa mga magapaeansang kakon sa krus.”

Marcos 8:31

Pagkatapos, gin-umpisahan ni Jesus it pagpaathag sa anang mga sumueunod nga imaw nga Unga it Tawo hay dapat gid mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Ginsugiran man nana sanda nga imaw hay pagapatyon, pero banhawon man dayon pagkatatlong adlaw.

Marcos 9:31

agod hitud-an nana ro anang mga sumueunod. Naghambae imaw kanda, “Maabot gid ro oras nga ako nga Unga it Tawo hay traiduron ag itugyan sa mga tawo nga magapapatay kakon. Pero pagkatatlong adlaw hay mabanhaw ako.”

Lucas 1:66

Tanan nga nakabati kara hay nagpaino-ino it madaeom. Sinanda, “Ano gid baea ro unga ngara kon magbahoe ay?” Duyon sinanda tungod nga makita eagi nga gin-giyahan it Ginuong Dyos ro nagkaeanabo sa anang kabuhi.

Lucas 18:31

Gindaea dayon ni Jesus sa binit ro anang dose nga ka sumueunod ag ginhambae, “Pamati anay kamo kakon! Nagapaeangop eon kita sa Jerusalem ag ro tanan nga ginsueat it mga propeta parti kakon nga Unga it Tawo nga idto matabo hay matuman.

Lucas 2:19

Pero si Maria ma't-a hay ginpinaino-ino it madaeom ro tanan ngato nga mga natabo ag owa gid rato maduea sa anang isip.

Lucas 2:51

Nagmunot kanda si Jesus pauli sa Nazaret ag sa anang pagbahoe hay nagpadayon imaw nga matinumanon kanda. Ro tanan ngatong natabo hay gintanom ni Maria sa anang paino-ino.

Lucas 24:44

Naghambae pa gid si Jesus, “Ginhambae ko eon kato kinyo, tag nagailiba pa kita, nga ro tanan nga ginsueat ni Moises ag ku mga propeta ag sa Libro it mga Salmo parti kakon hay dapat nga matuman.”

Lucas 9:22

Naghambae pa gid imaw, “Ako nga Unga it Tawo hay dapat gid nga mag-antos it abo nga kalisod ag indi pagpatihon ku mga pinuno it mga saserdote, mga maestro it Kasuguan ag ku kaibahan nandang mga lider. Pagapatyon ako pero banhawon man dayon pagkatatlong adlaw.”

Juan 16:31

Nagsabat si Jesus, “Ginaako ninyo makaron nga nagatuo kamo kakon

Juan 16:4

Ginasugiran ko kamo kara agod pag-abot it oras hay hidumduman ninyo ro akong ginhambae.” “Owa ko ra eagi kinyo pagsugiran ku primero pa eang nga nagsunod kamo kakon, ay mabuhay pa man ro atong pag-ililiba.

Juan 19:11

Nagsabat si Jesus, “Owa ka it otoridad nga obrahon ro bisan ano kakon mageuwas eang sa gintugot kimo it Dyos. Ngani ro nagtugyan kakon sa imong mga alima hay mas grabi ro saea kaysa sa imo.”

Mga Binuhatan 2:23

Si Jesus ngara hay ginpatay ninyo paagi sa inyong pagtugyan kana sa alima it mga nagabaliwala sa *Kasuguan it Dyos, ag gineansang nanda imaw sa krus. Pero ginplano eon eagi ron it Dyos kato-kato pa, ag sayod imaw nga matuman ron.

Mga Hebreo 2:1

Ngani dahil nga ro Unga it Dyos hay eabaw gid sa tanan, dapat naton nga lig-unon pa gid ro atong pagpati sa mensahi parti sa kaeuwasan nga aton eon nga habatian agod indi kita mag-amat it paeayo dikaron.