Lucas 9:41 - Inkeanon

⁴¹ Naghambae si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon ag mga balingahag gid-a kamo it paino-ino! Hasta hin-uno pa't-a ako mag-iba kinyo bago kamo magtuo kakon? Hasta hin-uno pa't-a ako magtiniis kinyo?” Ginhambae dayon nana ro tatay ku unga, “Abi, daeha ro imong unga iya kakon.”

Lucas 9:41 Iomraidhean Croise

Mateo 11:28

Naghambae dayon si Jesus, “Kamo tanan nga mga ginagaoy ag ginabug-atan ku inyong mga paeas-anon, paeapit kamo kakon ay papahuwayon ko kamo.

Mateo 12:39

Pero nagsabat si Jesus, “Ro mga tawo makaron nga tyempo hay mga maeain it kabubut-on tungod nagtalikod sanda sa Dyos. Gapangayo sanda kakon it milagroso nga pamatuod kon sin-o gid ako, pero owa it ipakita kanda kundi ro pareho ku natabo kay Propeta Jonas kato anay.

Mateo 12:45

Tapos, masampit imaw it pito pa gid nga ka espirito nga mas maeain pa kaysa kana. Masueod sanda sa tawo ngato ag idto mag-istar, ngani mangin mas grabi ro sitwasyon ku ratong tawo kaysa sa dati. Makaruyon man ro matabo sa mga maeain nga tawo sa makaron nga tyempo.”

Mateo 16:4

Ro mga tawo sa makaron hay mga maeain it kabubut-on ag nagtalikod sanda sa Dyos. Ginausuyan nanda ako it milagroso nga pamatuod kon sin-o gid ako, pero owa it ipakita kanda kundi ro pareho ku natabo kay Propeta Jonas kato anay.” Pagkahambae nana karon hay tinalikdan nana sanda ag pumanaw.

Mateo 17:17

Naghambae si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon ag mga balingahag gid kamo it paino-ino! Hasta hin-uno pa baea ako mag-iba kinyo bago kamo magtuo kakon? Hasta hin-uno pa't-a ako magtiniis kinyo? Daeha ro unga iya kakon.”

Mateo 23:36

Matuod rang ginahambae kinyo nga kamo sa inyo makaron nga henerasyon hay manabat sa Dyos dahil sa kamatayon ku tanan ngato nga mga matarong nga tawo.”

Mateo 3:7

Abo man nga mga *Pariseo ag mga *Saduceo ro nag-adto kay Juan agod magpabawtismo. Pagkakita kanda ni Juan hay ginhambaean nana sanda, “Mga tuso gid-a kamo pareho it sawa! Eaom baea ninyo hay makalikaw kamo sa pina it Dyos paagi sa inyong pagpabawtismo?

Marcos 10:14

Naakig si Jesus sa anang mga sumueunod pagkakita nana sa andang gin-obra. Ngani ginhambaean nana sanda, “Pabay-i nga magpaeapit kakon ro mga unga. Ayaw ninyo sanda pagbawaei tungod ro mga pareho kanda ro ginatapoe sa mga sinakpan it Dyos.

Marcos 10:49

Pumundo si Jesus ag ginhambae ro mga tawo, “Paadtuna imaw iya.” Ngani gintawag nanda ro bulag, “Dapat hay malipay ka ay ginatawag ka ni Jesus. Tindog eon.”

Marcos 9:19

Nagsabat si Jesus, “Abi gid-a ro mga tawo ngara makaron. Owa pa't-a gihapon kamo nagatuo kakon! Hasta hin-uno pa baea ako mag-iba kinyo bago kamo magtuo kakon? Hasta hin-uno pa't-a ako magtiniis kinyo? Daeha ro unga iya kakon.”

Lucas 8:25

Naghambae si Jesus sa anang mga sumueunod, “Ham-an it owa gihapon kamo it salig kakon?” Hangawa sanda ag kinuebaan ngani nagpaeangutan-an sanda, “Sin-o gid-a ro tawo ngara? Masugo't-a nana bisan ro hangin ag humbak ag nagatuman 't-a sanda kana!”

Lucas 9:40

Nagpakitluoy ako sa imong mga sumueunod nga subueon nanda ro maeain nga espirito sa eawas ku akon nga unga pero indi nanda masarangan.”

Lucas 9:42

Tag nagapaeapit kay Jesus ro unga, ginpatumba ra it demonyo ag ginpawaeas. Pero ginsugo ni Jesus ro maeain nga espirito ngato nga magguwa sa unga. Pagkatapos, nagmayad eon dayon ro unga ag gin-intrigar ra ni Jesus sa anang tatay.

Juan 14:9

Nagsabat si Jesus, “Felipe, mabuhay eon ro akong pag-iniba kinyo ag owa ka't-ing gihapon kakilaea kakon? Ro nakakita kakon hay nakakita man sa akong Ama. Ham-an it gahambae ka pa nga ipakita ko kinyo ro akong Ama?

Juan 20:27

Ginhambae dayon nana si Tomas, “Hara Tomas, tan-awa ro akong mga alima. Sutsutan ro imong tudlo sa inagyan it eansang. Sudlan man ro imong alima sa nina sa akong kilid. Indi ka sinimo magpati pero makaron hay magpati ka eon nga nabanhaw gid ako.”

Mga Binuhatan 13:18

Sa sueod it haeos 40 anyos, ana sandang gintiisan sa andang pagsupak kana tag idto sanda sa *disyerto.

Mga Binuhatan 2:40

Ag abo pa ro mga ginturo ni Pedro sa mga tawo ag ginhininyo nana sanda nga batunon ro anang ginaturo. Hambae pa gid nana “Magtuo kamo agod maeuwas kamo sa pina nga maabot sa mga tawo sa inyo makaron nga henerasyon nga mga balingahag it paino-ino.”

Mga TagaRoma 2:4

Inyo nga ginabaliwala ro sobrang kabuot, pagtiniis ag pagpinasensya kinyo it Dyos. Owa't-a kamo kataeupangod nga ro anang kabuot hay nagagiya kunta kinyo sa paghinuesoe ag pagtalikod sa inyong mga saea ag pagpaeapit kana.

Mga Hebreo 3:19

Makita naton dikaron nga owa sanda nakasamit kato dahil indi sanda magtuo ag masalig sa Dyos.

Mga Hebreo 4:11

Ngani tinguhaan ta gid nga masamitan raya nga kapahuwayan. Indi kita magtuead sa mga kalolo-lolohan naton nga owa magtuman sa Dyos ngani owa sanda kasamit ku ratong kapahuwayan nga ana kunta nga itao kanda.

Mga Hebreo 4:2

Kita man hay nakabati ku mayad nga balita parti sa kapahuwayan nga ginatao it Dyos pero indi't-a dapat kita magtuead sa atong mga kalolo-lolohan nga nakabati karon ugaling hay owa man sanda nakapueos kato ay owa man sanda nagtuo sa Dyos.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.