Lucas 9:19 - Inkeanon

¹⁹ Nagsabat sanda, “May gahambae nga si Juan nga Manogbawtismo ka kuno. Kon sa iba ma't-a, ikaw kuno hay kat si Elias anay. Sa iba pa gid hay may nabanhaw nga isaea sa mga propeta man kato anay.”

Lucas 9:19 Iomraidhean Croise

Mateo 14:2

Hambae ni Herodes sa anang mga opisyales, “Si Juan nga Manogbawtismo't-a ro tawo ngara. Nabanhaw imaw mawron nga may gahom imaw nga makahimo it mga milagro.”

Mateo 3:1

Nag-abot ro tyempo nga si Juan nga Manogbawtismo hay nag-umpisa sa anang pagpangwali idto sa *disyerto sa Judea.

Marcos 6:14

Owa mabuhayi hay habatian ni Haring Herodes ro ginaobra ngara ni Jesus, tungod nangin bantog eon gid imaw. May mga nagahambae, “May gahom ron si Jesus nga mag-obra it milagro ay imaw tag si Juan nga Manogbawtismo anay nga nabanhaw.”

Marcos 6:15

Ginahambae man ku iba, “Tag propeta ron imaw nga si Elias anay nga nabanhaw.” Hambae pa gid ku iba, “Propeta ron imaw pareho ku mga propeta kato anay.”

Lucas 9:18

Isaeang adlaw nga nagpangamuyo nga isaeanhon si Jesus, idto ro anang mga sumueunod sa ueu-unahan. Pagkatapos nana it pangamuyo, ginpangutana nana sanda, “Sin-o kuno ako kon sa mga tawo?”

Lucas 9:20

Ginpangutana nana sanda, “Hay kon kinyo, sin-o ako?” Nagsabat si Pedro, “Ikaw ro Maneueuwas nga ginpromisa it Dyos.”

Juan 1:21

Nagsabat sanda, “Hay sin-o ka't-ing? Si Propeta Elias ka baea nga nagbalik?” Nagsabat si Juan, “Bukon a.” “Ro Propeta ka baea nga ginpromisa it Dyos?” pangutana eon man nanda. “Bukon man,” sabat ni Juan.

Juan 1:25

Pinangutana eon man nanda si Juan, “Hay ano ro imong otoridad nga magpangbawtismo kon bukon man gali it ikaw ro Maneueuwas nga ginpromisa it Dyos, bukon ka man it si Elias, ag bukon ka man it Propeta ngato nga ginpromisa it Dyos?”

Juan 7:40

Ro iba nga nagapamati sa ginhambae ni Jesus hay naghambae, “Imaw eon gid ra ro Propeta nga ginpromisa it Dyos!”

Juan 9:17

Pinangutana eon man ku mga Pariseo rondatong eaki, “Sinimo hay ginpamayad nana ro imong mata. Hay ano ro imong mahambae parti kana?” Nagsabat imaw, “Propeta't-a imaw.”