Lucas 9:18 - Inkeanon

¹⁸ Isaeang adlaw nga nagpangamuyo nga isaeanhon si Jesus, idto ro anang mga sumueunod sa ueu-unahan. Pagkatapos nana it pangamuyo, ginpangutana nana sanda, “Sin-o kuno ako kon sa mga tawo?”

Lucas 9:18 Iomraidhean Croise

Mateo 14:23

Pagkapauli nana ku mga tawo, nagsaka imaw sa bukid agod magpangamuyo nga nagaisaeahanon. Tag gabii eon hay idto gihapon si Jesus nga nagaisaeahanon sa bukid.

Mateo 26:36

Pag-abot nanday Jesus sa lugar nga ginatawag nga Getsemani, naghambae imaw sa anang mga sumueunod, “Pungko eang anay kamo dikara ay mangamuyo pa ako idto sa unahan.”

Lucas 11:1

Isaeang adlaw, nagpangamuyo si Jesus sa sangka lugar. Pagkatapos nana it pangamuyo hay nagpangabay kana ro sambilog sa anang mga sumueunod. Hambae nana kay Jesus, “Ginuo, tud-i man abi kami kon paalin magpangamuyo, pareho man baea kay Juan nga Manogbawtismo nga gintud-an nana ro anang mga sumueunod.”

Lucas 3:21

Tag owa pa't-a si Juan hapapriso hay nagpangbawtismo imaw it kaabo nga mga tawo. Kaibahan man dikato si Jesus. Tag nagapangamuyo si Jesus pagkabawtismo kana hay nagbukas ro eangit

Lucas 6:12

Pagkataliwan it pilang adlaw, nagtukad si Jesus sa bukid agod magpangamuyo. Sang gabii ro anang pagpinangamuyo sa Dyos.

Lucas 9:19

Nagsabat sanda, “May gahambae nga si Juan nga Manogbawtismo ka kuno. Kon sa iba ma't-a, ikaw kuno hay kat si Elias anay. Sa iba pa gid hay may nabanhaw nga isaea sa mga propeta man kato anay.”

Lucas 9:28

Pagkataliwan it mga waeong adlaw nga ginhambae ra ni Jesus, nagsaka imaw sa bukid agod magpangamuyo. Gindaea nana sanday Pedro, Juan ag Santiago.

Lucas 9:29

Tag nagapangamuyo si Jesus hay nag-iba ro itsura ku anang uyahon. Ro anang eambong hay nangin kaputi-puti ag kasilaw-silaw.