Lucas 9:16 - Inkeanon

¹⁶ Tapos, ginbuoe ni Jesus ro limang ka tinapay ag daywang ka isda. Nagtangda imaw sa eangit ag nagpasaeamat sa Dyos. Ginpihak-pihak dayon nana ro mga tinapay ag isda ngato ag gintao sa anang mga sumueunod agod ikapanueupod sa kaabo ngato nga mga tawo.

Lucas 9:16 Iomraidhean Croise

Mateo 14:19

Ginpapungko dayon nana ro mga tawo sa hilamunon. Ginbuytan nana ro limang ka tinapay ag daywang ka isda ngato ag nagtangda sa eangit ag nagpasaeamat sa Dyos. Tapos hay ana nga ginpihak-pihak ro tinapay ag gintao sa anang mga sumueunod ag ginpanueupod nanda rato sa kaabo nga mga tawo.

Mateo 15:36

ag ginbuoe ro pito ngato nga ka tinapay ag pilang ka isda ag ginpasaeamatan rato sa Dyos. Pagkatapos hay ginpihak-pihak nana rato ag gintao sa anang mga sumueunod ag ginpapanueupod sa mga tawo.

Marcos 7:34

Nagtangda dayon si Jesus sa eangit ag nagpanghakoe ag ginhambae nana sa inAramaic, “Effata!” Ro kahueugan kara hay “Magbukas ka.”

Lucas 22:19

Pagkatapos, nagbuoe imaw it tinapay, ginpasaeamatan ra nana sa Dyos, ginpihak-pihak ag gintao kanda. Hambae nana, “Raya ro akong eawas nga ginatao para kinyo. Himua ra ninyo permi sa pagdumdum kakon.”

Lucas 24:30

Tag nagakaon eon sanda, ginbuoe ni Jesus ro tinapay ag ginpasaeamatan. Ginpihak-pihak nana dayon rato ag gintao kanda.

Lucas 9:15

Gintuman nanda si Jesus ag nagpungko dayon ro tanan nga mga tawo.

Lucas 9:17

Nagkaon sanda tanan hasta nagkaeabusog. Pagkatapos hay gintipon ku mga sumueunod ro mga habilin nga tinapay ag isda ag nakatipon sanda it dose ka kaing.

Juan 6:11

Ginbuoe dayon ni Jesus ratong tinapay ag nagpasaeamat sa Dyos. Ana dayon rato nga ginpapanueupod sa mga nagapueungko ngato. Makarato man ro anang gin-obra sa isda ag nagkaon sanda hasta nagkaeabusog.

Juan 6:23

May iba dayon nga mga baroto nga halin sa Tiberias nga nag-abot ag nagdungka maeapit sa lugar ngato kon siin man sanda ginpakaon ni Jesus it pagkaon nga anang ginpasaeamatan.

Mga Binuhatan 27:35

Pagkahambae nana kara hay nagbuoe imaw it tinapay ag nagpasaeamat sa Dyos sa atubang nanda tanan. Ana dayon ra nga ginpihak ag ginkaon.

Mga TagaRoma 14:6

Ro may ginapahaegahan nga mga inadlaw hay nagahimo karon sa pagpadungog sa Ginuo. Makaruyon man sa nagakaon it bisan ano ay ginahimo nana ron sa pagpadungog sa Ginuo ay ginapasaeamatan nana sa Dyos ro anang ginakaon. Ag ro may ginalikawan nga pagkaon hay nagahimo man karon sa pagpadungog sa Ginuo ay ginapasaeamatan man nana sa Dyos ro anang ginakaon.

1 Corinto 10:30

Ham-an it ginapakaeain 't-a ako dahil sa akong pagkaon it ginpasaeamatan ko sa Dyos?

1 Corinto 11:24

ana ra nga ginpasaeamatan sa Dyos ag ginpihak-pihak. Naghambae dayon imaw, “Raya ro akong eawas nga isakripisyo para kinyo. Umpisa makaron, himua ninyo ra nga tradisyon bilang pagdumdum sa akong pagsakripisyo.”