Lucas 9:11 - Inkeanon

¹¹ Pero kaabo nga mga tawo ro nakasayod nga nagpanaw sanday Jesus ag nag-aeapas 't-a sanda. Pag-abot nanda kon siin sanday Jesus hay gin-abi-abi nana sanda ag ginsinugiran parti sa paghari it Dyos ag ana nga ginpamayad ro mga nagamasakit.

Lucas 9:11 Iomraidhean Croise

Mateo 12:15

Pero sayod ni Jesus kon ano ro andang plano ngani naghalin imaw sa rato nga lugar. Kaabo nga mga tawo ro nagsunod kana ag ana nga ginpamayad ro tanan nga may masakit

Mateo 14:14

Pagpanaog ni Jesus, hakita nana ro kaabo-abo nga tawo nga nagsunod kana. Naeuoy gid imaw kanda ngani anang ginpangmayad ro mga masakiton kanda.

Mateo 21:31

Siin sa daywa ngato nga ka unga ro nagsunod sa gusto ku andang ama?” “Ro kamagueangan,” sabat nanda. Nagsabat si Jesus, “Tama. Matuod rang ginahambae kinyo nga ro mga madaya nga mga *manogsukot it buhis ag ro mga bayi nga nagabaligya ku andang kaugalingon hay nagauna pa kinyo nga mangin sinakpan it Dyos.

Mateo 21:43

“Ngani ginahambae ko eagi kinyo nga bukon eon it kamo ro bilangon it Dyos nga anang mga sinakpan kundi ro iba't-ang mga tawo nga ro bunga ku andang kabuhi hay magapalipay kana.

Lucas 1:53

Ginpabugana nana ro mga ginakueang, pero ro mga manggaranon hay anang ginpangsuboe nga owa it dinaea.

Lucas 5:31

Ginsabat sanda ni Jesus, “Ro mga mayad it eawas hay owa gakinahangean it doktor kundi ro mga masakiton eang.

Lucas 8:1

Pagkatapos kato hay naglinibot si Jesus sa mga kabanwahan ag kabaryuhan ag nagwali ku Mayad nga Balita parti sa paghari it Dyos. Nagsunod man kana ro anang doseng ka apostoles.

Lucas 8:10

Nagsabat si Jesus, “Kamo ro gintaw-an it Dyos it pribilihiyo nga matud-an it diritso parti sa anang paghari sa anang mga sinakpan nga owa anay ginpasayod kato. Pero ro iba't-a hay tud-an parti karon paagi eang sa mga paanggid nga istorya agod bisan gatinueok sanda hay indi sanda kaeubot ku kahueugan it andang hakita, ag bisan gapinamati sanda hay indi sanda kaeubot.”

Lucas 9:10

Pagbalik ku mga apostoles halin sa andang panaw, ginsugid nanda kay Jesus ro andang gin-obra. Gindaea dayon nana sanda sa lugar nga maeapit sa banwa it Betsaida agod sanda-sanda eang idto.

Lucas 9:12

Tag hapon eon hay nagpaeapit kay Jesus ro anang doseng ka apostoles ag naghambae, “Mayad siguro nga papanawon eon naton ro kaabo ngara nga mga tawo idto sa mga baeay sa kaumahan ag sa kabaryuhan sa libot, agod makabakae sanda it pagkaon ag makakita sanda it madayunan ay owa it kabaeayan sa lugar ngara.”

Lucas 9:2

Ana dayon sanda nga ginpapanaw agod magwali parti sa paghari it Dyos sa anang mga sinakpan ag magpamayad it mga masakiton.

Juan 4:34

Naghambae si Jesus kanda, “Ro akong pagkaon hay ro pagtuman ku kabubut-on ku nagpadaea iya kakon ag ro pagtapos ku anang ginapaobra kakon.

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Mga Binuhatan 28:31

Ana sandang ginwinalihan parti sa paghari it Dyos sa anang mga sinakpan ag gintinur-an parti kay Ginuong Jesu-Kristo nga owa it napanimbangan ag owa man it nagabawae.

Mga TagaRoma 10:14

Pero paalin makadangop ro tawo sa owa nanda ginatuuhi? Ag paalin sanda magtuo kon owa man sanda kabati parti kana? Ag paalin sanda makabati kon owa man it gawali?

Mga TagaRoma 10:17

Ginhambae ko eon nga indi makatuo ro tawo sa mensahi kon indi anay sanda makabati karon, ag ro mensahi nga dapat nanda mabatian hay ro mensahi parti kay Kristo.

Mga TagaRoma 15:3

Bisan ngani si Kristo hay owa eang nag-obra ku anang nailaan nga obrahon kundi haom imaw nga magtiis sa pagtuman ku kabubut-on it Dyos. Pareho sa nasueat sa Sagrado nga Kasueatan nga, “Ako ro haukpan ku mga pag-insulto it mga tawo kimo.”

2 Timoteo 4:2

iwali ro mensahi it Dyos. Dapat nga permi ka nga haom nga magwali bisan mayad o bukon it mayad ro sitwasyon. Ipasayod sa mga tawo ro andang saea, pangisgi sanda ag eaygayan mo man dayon agod nga magbaskog ro andang buot. Magmapinasensyahon ka samtang nagaturo kanda.

Mga Hebreo 4:16

Ngani dahil ginarepresentar kita ni Jesus sa Dyos nga mabuot nga mayad, magdangop kita sa Dyos nga may kaisog it buot agod kaeuy-an ag buligan nana kita sa oras it aton nga pagkinahangean.