Lucas 9:1 - Inkeanon

¹ Kaisaea kato, ginpatipon ni Jesus ro dose nanang ka mga sumueunod ag gintaw-an nana sanda it otoridad ag gahom nga magpangsuboe it tanan nga demonyo ag magpamayad it mga baeatian.

Lucas 9:1 Iomraidhean Croise

Mateo 16:19

Taw-an ta it otoridad parehas ku manogbuyot it yabi nga makabukas ag makasara ku pwertahan sa mga tawo nga gustong mangin mga sinakpan it Dyos. Ag ro bisan ano nga ibawae mo sa mga tawo iya sa kalibutan hay gakasinanto man sa ginbawae eon it Dyos sa eangit. Ag ro bisan ano nga sugtan mo sa mga tawo hay gakasinanto man sa ginsugtan eon it Dyos sa eangit.”

Mateo 4:24

Nangin bantog si Jesus hasta sa lugar it Syria ngani nag-adto kana ro mga tawo daea ro tanan nga mga masakiton, ro mga nagaantos it grabi nga kasakit sa sari-sari nga baeatian, ro mga ginsudlan it demonyo, ro mga kueueuon, ag ro mga paralitiko. Ginpamayad sanda tanan ni Jesus.

Mateo 8:9

Anad eo't-ang abi sa sugo dahil ako hay gasunod man sa mas mataas pa kakon it rangko, ag may mga soldado man ako nga ginapamunuan. Kon suguon ko ro sambilog nga magpanaw, gapanaw dayon imaw. Kon paadtunon ko kakon ro sambilog, gaadto dayon imaw. Kon may ipaobra ako sa akong sueuguon hay ginaobra nana dayon.”

Lucas 10:1

Pagkataliwan it pilang adlaw, si Jesus hay nagpili it 72 pa gid nga ka tawo halin sa tanan nanang mga sumueunod. Ginpapanaw nana sanda it tig daywa-daywa ag ginpaadto sa tanan nga mga banwa ag lugar nga ana nga aeadtunan sa ulihi.

Lucas 10:19

Tandai ninyo ra. Gintaw-an ko eon kamo it gahom agod perdihon ro mga maeain nga espirito pareho it gatapak sa mga sawa ag tibaba. Perdihon ninyo ro tanan nga gahom ku aton nga kaaway nga si Satanas, ag owa gid it bisan ano nga sarang makahalit kinyo.

Juan 14:12

“Matuod gid rang ginahambae kinyo nga ro nagatuo kakon hay magahimo it mga makangawa-ngawa pareho sa akong mga ginapanghimo, ag mas pa karon ro anang pagahimuon tungod gabalik eon ako sa akong Ama.

Mga Binuhatan 1:8

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Mga Binuhatan 3:16

Paagi sa gahom ni Jesus hay nagbaskog ro mga siki ku rayang tawo nga inyong hakita ag hasayran nga dati anay nga eupog. Nagsalig imaw kay Jesus pareho kamon ngani nagmayad gid imaw ag hara, kita man ron ninyo tanan.

Mga Binuhatan 4:30

Pakitaan ro imong gahom sa pagpamayad namon it mga masakit ag sa paghimo namon it mga makangawa-ngawa ag milagroso nga pamatuod paagi sa gahom ku imong balaan nga sueuguon nga si Jesus.”

Mga Binuhatan 9:34

Ginhambae imaw ni Pedro, “Eneas, ginapamayad ka eon ni Jesu-Kristo. Bangon ag himuson ro imong eugban.” Bumangon eagi si Eneas.