Lucas 8:54 - Inkeanon

⁵⁴ Pero ginbuytan ni Jesus ro alima ku unga ag ginhambae it mabaskog, “Nene, magbangon ka!”

Lucas 8:54 Iomraidhean Croise

Mateo 9:25

Kat hapaguwa eon ro mga tawo, nagsueod si Jesus sa kwarto ku unga. Anang ginbuytan ro alima ku unga ag ana ra nga ginbuhi it uman.

Marcos 1:31

Ginpaeapitan ra ni Jesus, ginbuytan sa alima ag ginbuligan nga makabangon. Naduea dayon ro anang eagnat ag ginserbihan nana sanda.

Marcos 8:23

Gin-guyod ni Jesus ro bulag ag gindaea sa liwan it banwa. Ginpil-an na dayon ro mga mata ku bulag ag gintungtung na rayon ro anang alima kana. Ginpangutana nana dayon ro bulag, “May hakita ka eon?”

Marcos 9:27

Pero ginbuytan ni Jesus ro unga sa alima ag ginpabangon ag tumindog ra nga mayad eon.

Lucas 8:51

Pag-abot nanda sa baeay hay owa nana pagpasudla ro mga nagsueunod kana mageuwas kanday Pedro, Juan ag Santiago. Kaibahan nanda nga nagsueod hay ro mga ginikanan eang ku unga.

Lucas 8:53

Anda't-a nga ginhinibaygan si Jesus nga may daea nga pag-intrimis ay sayod nanda nga patay eon ro unga.

Lucas 8:55

Nabuhi it uman ro unga ag nagbangon eagi imaw. Ginpataw-an dayon imaw ni Jesus it pagkaon.

Juan 11:43

Pagkahambae nana kara hay nagsinggit dayon imaw it mabaskog, “Lazarus, guwa iya!”

Juan 5:21

Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.

Mga Binuhatan 9:40

Ginpaguwa sanda tanan ni Pedro ag nageuhod dayon imaw ag nagpangamuyo. Pagkatapos, nag-atubang imaw sa patay ag ginhambae, “Tabita, bangon!” Nagmukeat si Tabita ag pagkakita nana kay Pedro hay nagbangon imaw ag nagpungko.

Mga TagaRoma 4:17

Nasueat sa Kasueatan nga naghambae ro Dyos kay Abraham, “Plano ko eo't-a nga ikaw ro mangin ama it abo nga mga rasa.” Dahil ro Dyos ro naghambae karon ngani ginpatihan imaw ni Abraham ay sayod ni Abraham nga ro Dyos hay makabanhaw it mga patay ag makatuga it mga bagay nga owa pa iya sa kalibutan.