Lucas 8:48 - Inkeanon

⁴⁸ Naghambae kana si Jesus, “Nang, nagmayad ka tungod nagsalig ka kakon. Panaw eon ag patawhaya eon ring paino-ino.”

Lucas 8:48 Iomraidhean Croise

Mateo 12:20

Indi nana pag-utdon ro tigbaw nga basag eon ag indi nana pagpaengon ro nagakilo-kilo nga iwag. Padayunon nana ro pagkamaeueoy-on ag pagkamabuot hasta nga ro tanan nga kaeainan hay maperdi ku pagkamatarong nga ginatao it Dyos.

Mateo 8:13

Ginhambae dayon ni Jesus ro kapitan, “Uli eon. Nagapati ka gid nga magamayad ro imong sueuguon kon hambaeon ko eang nga mayad eon imaw, ngani makaruyon gid ro matabo.” Ag paghambae eang karon ni Jesus hay nagmayad eagi ro sueuguon ku kapitan.

Mateo 9:2

Pag-abot idto, may mga tawo nga nag-abot nga may ginaeayungan nga paralitiko. Pagkakita ni Jesus nga nagatuo sanda kana nga mapamayad nana ro paralitiko, ginhambae nana ra, “To, ayaw mahawag, ginpatawad eon ro imong mga saea.”

Mateo 9:22

Umatubang dayon si Jesus ag hakita nana ro bayi. Ginhambae imaw ni Jesus, “Nang, ayaw mahawag. Nagmayad ka tungod nagsalig ka kakon.” Ag insigida hay nagmayad ro bayi.

Marcos 5:34

Naghambae kana si Jesus, “Nang, nagmayad ka tungod nagsalig ka kakon. Panaw eon ag patawhaya ring paino-ino ay mayad ka eon gid sa imo ngatong masakit.”

Lucas 17:19

Ginhambae dayon ni Jesus ratong tawo, “Tindog ag pumanaw ka eon. Naeuwas ka tungod nagatuo ka kakon.”

Lucas 18:42

Ginhambae imaw ni Jesus, “Matuman ron! Makakita ka eon it uman! Nagmayad ka ay nagsalig ka kakon.”

Lucas 7:50

Ginhambae pa gid ni Jesus ro bayi, “Naeuwas ka tungod nagatuo ka kakon. Panaw eon ag patawhaya eon ring paino-ino.”

Lucas 8:47

Pagkasayod ku bayi nga hapan-uhan 't-a ro anang gin-obra, nagakurog imaw nga nagpaeapit kay Jesus ag naghapa sa anang atubang. Ginsugid dayon nana sa atubang it mga tawo ro dahilan kon ham-an it anang gintabing si Jesus ag ginsugid man nana nga nagmayad eagi imaw.

Mga Binuhatan 14:9

Nagapamati imaw sa ginahambae ni Pablo. Gintueok imaw ni Pablo ag hakita nana nga nagapati ro tawo ngato nga mapamayad imaw.

2 Corinto 6:18

“Mangin Ama ninyo ako ag mangin mga unga nakon kamo.” Raya ro hambae ku Ginuong Dyos nga eabing gamhanan.

Mga Hebreo 4:2

Kita man hay nakabati ku mayad nga balita parti sa kapahuwayan nga ginatao it Dyos pero indi't-a dapat kita magtuead sa atong mga kalolo-lolohan nga nakabati karon ugaling hay owa man sanda nakapueos kato ay owa man sanda nagtuo sa Dyos.