Lucas 8:44 - Inkeanon

⁴⁴ Nagdutdut gid imaw ag nagpaeapit sa may likod ni Jesus ag ana dayon nga gintabing ro gayad ku ana nga eambong. Pagkatabing kato nana hay nagpundo eagi ro pagdugo kana.

Lucas 8:44 Iomraidhean Croise

Mateo 20:34

Naeuoy gid si Jesus kanda ngani ginbuytan nana ro andang mga mata ag nakakita eagi sanda. Pagkatapos hay nagsinunod sanda kay Jesus.

Mateo 8:3

Ginbuytan imaw ni Jesus ag ginhambae, “Gusto ko nga pamayron ka. Mayad ka eon!” Naduea eagi ro aro sa eawas ku rondato nga tawo.

Mateo 9:20

Tag nagapanaw sanda, may sangka bayi nga dose anyos eon nga ginadinugo nga nagpaeapit sa may likod ni Jesus, ag anang gintabing ro gayad ku ana nga eambong.

Marcos 6:56

Bisan siin mag-adto si Jesus, sa mga kabanwahan man o mga kabaryuhan, o kaumahan o tindahan hay ginadaea idto ro mga masakiton ag ginabutang nanda kon siin imaw gaagi. Ginapinangabay nanda imaw nga kon puydi hay sugtan nana ro mga masakiton nga tabingon nanda bisan ro gayad eon lang ku ana nga eambong. Ag ro tanan nga nakatabing kato hay nagmaeayad.

Lucas 13:13

Gintungtung ni Jesus ro anang alima sa bayi ag nagtadlong eagi ro anang eawas kara ag nagdinayaw rayon imaw sa Dyos.

Lucas 7:38

Pag-abot idto hay nagtindog imaw sa may sikwayan ni Jesus ag nagtinangis. Ro anang euha hay idto sa siki ni Jesus nagtinueo. Ginpahiran rato ku bayi it anang buhok ag ana dayon nga ginhinaruan ag ginbu-buan it pahumot ngato.

Lucas 8:43

Kaibahan sa mga tawo ngato nga nagsunod kay Jesus hay sangka bayi nga dose anyos eon nga ginadugo. Owa gid it nakapamayad kana (bisan abo eon nga manogbueong ro anang haadtunan ag naubos eon ro anang mga pagkabutang).

Lucas 8:45

Naghambae si Jesus, “Sin-o ro nagtabing kakon ay?” Pero owa gid it nag-ako kon sin-o ro nagtabing kana. Naghambae dayon si Pedro, “Maestro, kaabo nga mga tawo nga nagadinutdut kimo.”

Juan 5:13

Pero owa imaw it ikasugid nga ngaean ay nakahalin eo't-a si Jesus it hipos, ag matsa naduea ea't-a imaw sa kaabo nga tawo idto.

Mga Binuhatan 19:12

Bisan ro mga panyo o apron nga anang gin-gamit nga ginadaea sa mga masakiton hay nagapamayad kanda ag makapaguwa ku maeain nga espirito.

Mga Binuhatan 5:15

Dahil sa mga milagro nga ginahimo it mga apostoles, abo nga mga masakiton nga nagaeueubog sa mga papag-papag ag banig ro ginadaea sa binit it karsada agod nga bisan mahandungan eon lang sanda ku anino ni Pedro pag-agi nana hay magamayad dayon sanda.