Lucas 8:41 - Inkeanon

⁴¹ May nag-abot dayon idto nga sangka manogdumaea it sinagoga sa ratong lugar nga si Jairus ro ngaean. Naghapa imaw sa atubang ni Jesus ag nagpakitluoy nga mag-adto si Jesus sa anang baeay

Lucas 8:41 Iomraidhean Croise

Lucas 13:14

Ugaling hay naugot ro manogdumaea it ratong sinagoga ay nagpamayad si Jesus it masakiton sa Adlaw it Inogpahuway. Naghambae imaw sa mga tawo, “May an-om nga adlaw nga inogtrabaho, ngani dikato kunta kamo mag-adto iya agod magpabueong, bukon it sa Adlaw it Inogpahuway.”

Lucas 17:16

Naghapa imaw sa atubang ni Jesus ag nagpinasaeamat kana. TagaSamaria pa gali ro tawo ngato.

Lucas 5:8

Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.”

Lucas 8:42

ag pamayaron ro anang unga nga bayi. Mga dose anyos pa eang rato imaw ag solo man lang nana nga unga ag nagatagumatayon eon rato. Nagsunod si Jesus kay Jairus ag abo nga mga tawo ro nagsueunod kanda nga nagadueutdutan.

Lucas 8:49

Samtang nagahambae kara si Jesus, may nag-abot halin sa baeay nanday Jairus nga nagsugid kana, “Owa eo't-a ring unga. Mayad lang siguro nga indi mo eon pag-awaton ro manogturo.”

Juan 11:21

Pag-abot ni Marta hay naghambae imaw kay Jesus, “Ginuo, kon iya ka't-ing kunta hay owa't-a namatay ro akong igmanghod.

Mga Binuhatan 13:15

Pagkatapos ku pagbasa it pilang parti ku Kasuguan it Dyos nga ginsueat ni Moises ag ku ginsueat it mga propeta hay may ginsugo ro mga manogdumaea it sinagoga nga hambaeon sanday Pablo nga, “Mga igmanghod, kon may inyo nga gustong ihambae nga makapabaskog it buot ku mga tawo hay puydi ninyo nga ihambae.”

Mga Binuhatan 18:17

Pagkakita karon ku mga pumueuyo it Corinto nga idto nagatan-aw hay dinakop ag binakoe nanda si Sostenes nga manogdumaea it sinagoga it mga Judio ngato. Hakita man ra mismo ni Gallio pero owa gid imaw nanginhoe.

Mga Binuhatan 18:8

Pero ro manogdumaea it sinagoga idto nga si Crispus ro ngaean hay nagtuo ma't-a sa Ginuo kaibahan ro anang bilog nga panimaeay. Ag abo pa gid nga mga tagaCorinto ro nagtuo ag nagpabawtismo pagkabati nanda ku wali ni Pablo.

Mga Binuhatan 9:38

Tungod maeapit malang ro Lidda sa Joppa, pagkasayod ku mga sumueunod sa Joppa nga idto si Pedro sa Lidda hay may ginpapanaw sanda nga daywang ka tawo nga magsueang kana. Ginapaadto gid eagi nanda si Pedro sa Joppa.

Pahayag 5:8

Pagkabuoe na kato, ro ap-at nga ka buhi nga tinuga ag ro 24 nga ka manogdumaea ngato hay naghapa sa atubang it Tiyo it Karnero. Kada isaea kanda hay may ginabuytan nga harpa ag maeukong nga bueawan nga puno it insenso. Ro insenso ngato hay simbolo ku mga pangamuyo ku mga katawhan it Dyos.