Lucas 8:39 - Inkeanon

³⁹ Hambae nana, “Uli sa inyo ag sugiran mo sanda ku ginhimo it Dyos kimo.” Nagpanaw rondato nga tawo ag anang ginsinugid sa bilog nga syudad ro ginhimo ni Jesus kana.

Lucas 8:39 Iomraidhean Croise

Marcos 1:45

Nagpanaw ro tawo pero ginsinugid nana sa tanan nga anang hisubeang kon paalin imaw ginpamayad ni Jesus. Ngani si Jesus hay indi eon makapanaw it hayag sa mga banwa. Mawron nga idto imaw nagtenir sa mga lugar nga owa it kabeayan. Ugaling hay abo gihapon nga mga tawo ro nag-agto idto kana halin sa iba-ibang mga lugar.

Marcos 5:18

Tag manogsakay eon si Jesus sa baroto, ro tawo nga ginsudlan anay it mga demonyo hay naghininyo nga pamunton imaw.

Marcos 5:19

Pero owa si Jesus magsugot ag ginsugo nana tag tawo, “Uli sa inyo ag sugiran mo ro imong pamilya parti sa tanan nga ginhimo kimo it Ginuo ag kon mauno kabahoe ro anang kaeuoy kimo.”

Lucas 8:38

Bago sanda magpanaw hay naghininyo kay Jesus rondato nga tawo nga ginsudlan anay it mga demonyo nga pamunton imaw. Pero owa magsugot si Jesus.

Lucas 8:40

Pagkabalik nanday Jesus sa Galilea, abo nga mga tawo ro nag-abi-abi kana ay ginhinueat gid nanda tanan imaw.

Juan 4:29

“Musyon kamo! Adtunan naton ro tawo nga naghambae kakon ku tanan nakong ginpang-obra. Bukon man siguro it imaw ro Maneueuwas nga ginpromisa it Dyos pero imaw lang kunta, no?”

1 Timoteo 5:8

Ro tumueuo nga owa gadipara sa anang igbata, kapin gid sa anang panimaeay hay nagabaliwala sa matuod nga mensahi halin sa Dyos ag mas maeain pa imaw kaysa sa mga owa nagatuo sa Dyos.