Lucas 8:31 - Inkeanon

³¹ Nagpinakitluoy kay Jesus ro mga demonyo nga indi sanda pagpaadtunon sa buho nga owa't katapusan ro kadaeumon agod pinahan.

Lucas 8:31 Iomraidhean Croise

Mateo 25:41

“Tapos hay hambaeon ko tag mga ratong sa akong may waea, ‘Halin kamo iya, mga ginsumpa it Dyos! Idto kamo sa lugar kon siin ro kaeayo hay nagadabdab hasta sa owa it katapusan nga gintigana kay Satanas ag sa anang mga anghel.

Lucas 8:28

Pagkakita nana kay Jesus, naghapa imaw sa anang atubang ag nagsiyagit, “Ayaw ako pag-intrahi, Jesus, Unga it Dyos nga Eabing Mataas! Maeuoy ka, ayaw ako pagpasakiti!”

Lucas 8:32

Idto sa bukid hay may sang panong it kaabo-abo nga baboy nga nagainukib. Naghinyo ro mga demonyo kay Jesus nga sugtan lang sanda nga magsueod sa mga baboy ngato ag ginsugtan man sanda ni Jesus.

Mga TagaRoma 10:7

Ag owa man it kinahangean pa nga ihambae, “Sin-o ro makapanaog sa lugar it mga minatay?” (agod banhawon si Kristo ay ginbanhaw eon imaw).

Pahayag 11:7

Kon makatapos eon sanda sa andang pagpamatuod parti sa kon ano ro mga ginapasayod it Dyos nga matabo hay may magaguwa dayon nga sangka makahaeadlok nga sapat halin sa buho nga owa't katapusan ro kadaeumon ag makig-away kanda. Pagaperdihon sanda ku sapat ngato ag pagapatyon.

Pahayag 17:8

Ro sapat nga imong hakita hay buhi anay kato pero owa eon makaron. Pero sa indi magbuhay hay magaguwa imaw halin sa buho nga owa't katapusan ro kadaeumon. Pero ro anang dangaton hay pagadaehon imaw sa lugar nga pagapinahan kana hasta sa owa it katapusan. Ro mga tawo sa kalibutan nga owa sa listahan ku mga gintaw-an it kabuhi nga owa it katapusan nga nasueat bago pa gintuga ro kalibutan hay magakahangawa kon hikita nanda imaw. Hingawa ra sanda dahil buhi anay imaw kato ag naduea pero nagtunga eon man imaw it uman.

Pahayag 19:20

Pero gindakop ro sapat ag ro nagapakuno-kuno nga propeta nga nagahimo it mga milagrosong pamatuod sa pagpadungog sa sapat ngato. Rato nga mga milagrosong pamatuod ro anang gin-gamit sa pagpataeang sa mga tawo nga may tanda it sapat ag nagasimba sa anang rebulto. Ro sapat ag ro nagapakuno-kuno nga propeta hay linapog it buhi sa eawod nga nagadaba-daba ay may asupre rato nga nagakaeayo.

Pahayag 9:11

May anda ra nga hari ag imaw man ra ro anghel nga nagadumaea sa buho nga owa't katapusan ro kadaeumon. Ro anang ngaean kon sa Hinebreo hay Abadon ag kon sa Griniyego hay Apolyon.