Lucas 8:3 - Inkeanon

³ Kaibahan man nana si Juana nga asawa ni Cuza nga administrador ni Herodes, si Susana ag iba pa. Ginbinuligan nanda sanday Jesus sa andang mga kinahangeanon halin sa andang kaugalingon nga buesa.

Lucas 8:3 Iomraidhean Croise

Mateo 14:1

Owa mabuhayi hay habatian ni Herodes nga gobernador it Galilea ro mga ginahimo ni Jesus.

Mateo 14:3

Naghambae karon si Herodes dahil sa anang gin-obra kato kay Juan. Kato abi hay ana nga ginpadakop si Juan ag ginpapriso agod sundon ro gusto ni Herodias. Rayang si Herodias hay hipag ni Herodes nga anang gin-agaw kay Felipe nga anang igmanghod.

Mateo 14:6

Tag adlaw kato it pagselebrar ku kaadlawan it pagkatawo ni Herodes hay nagkinalipay sanda. Nagsaot ro unga nga daeaga ni Herodias sa atubang ku mga bisita ag naila gid si Herodes sa ana ngato nga saot.

Mateo 2:11

Pag-abot idto, nagsueod sanda sa baeay ag hakita nanda idto ro unga ag ro anang ina nga si Maria. Nageuhod sanda sa atubang it unga sa pagsimba kana. Anda dayon nga ginbukad ro andang mga maeahaeon nga regalo nga bueawan, insenso ag mira ag ginhaead rato sa unga.

Mateo 20:8

“Tag gatunod eon ro adlaw, ginhambae ku tag-ana ro anang administrador, ‘Tawga eon ro mga trabahador ag itao ro andang sweldo. Unaha ro mga ulihi nga trabahador. Ipaulihi mo lang ro mga hauna ngato.’

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Mateo 26:11

Ro mga pobre hay kaibahan 't-a ninyo permi pero ako hay indi ninyo mangin kaibahan permi.

Mateo 27:55

Idto sa maeayo-eayo hay may mga bayi nga nagapinamantaw. Sanda rato hay mga sumueunod ni Jesus nga nagsueunod kana halin sa Galilea ag nag-asikaso man anay sa anang mga kinahangean.

Lucas 24:10

Ro mga bayi nga nagsugid kara sa mga apostoles hay sanday Maria Magdalena, Juana ag Maria nga nanay ni Santiago ag iba pa gid nga mga bayi nga kaibahan nanda.

Juan 12:6

Ginhambae nana ron, bukon it dahil nga naeuoy imaw sa mga pobre kundi dahil manakaw imaw. Imaw abi ro gabuyot ku andang kwarta ag ginakupitan nana ra.

Mga Binuhatan 13:1

Idto sa grupo it tumueuo nga perming nagatililipon sa syudad it Antioc hay may mga propeta ag mga manogturo it mensahi it Dyos. Sanda rato hay si Barnabas, si Simeon nga ginahayuan it Negro, si Lucius nga tagaCyrene, si Manaen nga nagbahoe sa poder ku pamilya it Gobernador it Galilea nga si Herodes ag si Saulo.

2 Corinto 8:9

Kabay pa nga pursigido man kamo mag-amot ay sayod ninyo ro sobrang kabuot ku atong Ginuo nga si Jesu-Kristo. Bisan manggaranon imaw sa eangit hay nagpakapobre imaw para kinyo paagi sa anang pagpakatawo iya sa kalibutan agod paagi karon kamo hay mangin manggaranon.

Mga TagaFilipos 4:22

Tanan nga mga katawhan it Dyos iya sa Roma hay nagapangamusta man kinyo, eabi gid ro nagaserbi sa palasyo it Emperador.

1 Timoteo 5:10

Dapat man nga imaw hay bantog dahil sa anang mayad nga binuhatan pareho ku mga raya: mayad nga pagpabahoe sa anang mga unga, pagkamaabi-abihon, pagpaubos ku anang kaugalingon sa pagserbi sa anang isigkapareho nga tumueuo, pagkamabinuligon sa mga nagakalisod, ag mahugod sa paghimo it bisan ano nga mayad.