Lucas 8:25 - Inkeanon

²⁵ Naghambae si Jesus sa anang mga sumueunod, “Ham-an it owa gihapon kamo it salig kakon?” Hangawa sanda ag kinuebaan ngani nagpaeangutan-an sanda, “Sin-o gid-a ro tawo ngara? Masugo't-a nana bisan ro hangin ag humbak ag nagatuman 't-a sanda kana!”

Lucas 8:25 Iomraidhean Croise

Mateo 14:31

Binutong imaw it dali-dali ni Jesus ag ginhambae, “Ham-an it nagduda ka? Kueang 't-a gihapon ro imong pagtuo kakon.”

Mateo 17:20

Nagsabat si Jesus, “Tungod kueang pa ro inyong pagtuo kakon. Pero matuod rang ginahambae kinyo nga kon may inyo nga pagtuo nga bisan mat busoe eang it mustasa it bahoe hay puydi ninyo nga suguon rayang bukid nga ‘Adto rikato’ ag maadto ron idto. Mahimo ninyo ro tanan.

Mateo 6:30

Kon ro mga hilamunon nga owa man gabuhay, nga buhi makaron ag hin-aga hay eaay eon ag ginapanggatong eang hay ginapanami it Dyos paagi sa andang mga bueak, bukon baea it mas mapaeambungan nana kamo? Kueang 't-a gihapon ro inyong pagtuo kana.

Mateo 8:10

Pagkabati kara ni Jesus hay hangawa gid imaw it duro. Naghambae dayon imaw sa mga tawo nga nagasunod kana, “Matuod dang ginahambae kinyo nga owa pa ako it hakita bisan sa mga inapo ni Israel nga makaraya it bahoe ro anang pagsalig kakon.

Mateo 8:26

Naghambae dayon si Jesus kanda, “Ham-an it nahadlok kamo? Kueang 't-a gihapon ro inyong pagtuo kakon.” Bumangon dayon imaw, ginsugo nga magpundo ro hangin ag magkalma ro humbak, ag insigida hay nangin kalmado nga mayad ro dagat.

Marcos 4:35

Tag gasalikaeom eon ku adlaw ngato, ginsampit ni Jesus ro anang mga sumueunod nga matabok sa pihak ku Dagat it Galilea. Hambae nana, “Musyon, matabok kita.”

Lucas 12:28

Kon ro mga hilamunon nga owa man gabuhay, nga buhi makaron ag hin-aga hay eaay eon ag ginapanggatong eang hay ginapanami it Dyos paagi sa andang mga bueak, bukon baea it mas mapaeambungan nana kamo? Kueang 't-a gihapon ro inyong pagtuo kana.

Lucas 8:24

Nagpaeapit kay Jesus ro anang mga sumueunod ag anda imaw nga ginpukaw. Sinanda, “Sir! Sir! Mamatay 't-a kita kara!” Bumangon si Jesus ag ana nga ginsugo nga magpundo ro hangin ag magkalma ro daeagko nga humbak. Pumundo eagi ro hangin ag nagkalma man ro dagat.

Lucas 8:26

Nagpadayon sanday Jesus sa pagbiyahe ag nagdungka sanda sa lugar it mga tagaGerasa nga katabok it Galilea.

Juan 11:40

Nagsabat si Jesus, “Bukon abi nga ginhambae ko kimo nga kon gapati ka hay makita mo ro makangawa-ngawa nga gahom it Dyos?”