Lucas 8:24 - Inkeanon

²⁴ Nagpaeapit kay Jesus ro anang mga sumueunod ag anda imaw nga ginpukaw. Sinanda, “Sir! Sir! Mamatay 't-a kita kara!” Bumangon si Jesus ag ana nga ginsugo nga magpundo ro hangin ag magkalma ro daeagko nga humbak. Pumundo eagi ro hangin ag nagkalma man ro dagat.

Lucas 8:24 Iomraidhean Croise

Mateo 14:30

Pero pagkakita nana ku maeagko nga humbak nga daea ku mabaskog nga hangin, kinuebaan imaw ag nag-umpisa imaw it eugdang. Suminggit imaw, “Ginuo, tabangi ako!”

Mateo 8:25

Ginpukaw dayon imaw ku anang mga sumueunod. Hambae nanda kana, “Ginuo, tabang! Mamatay 't-a kita kara!”

Marcos 4:39

Bumangon si Jesus ag ginsugo ro hangin. Sinana, “Pundo eon!” Ginhambaean man nana ro dagat, “Maglinong ka!” Ag insigida hay nagpundo ro hangin ag nangin kalmado nga mayad ro dagat.

Lucas 4:35

Pero ginsaway imaw ni Jesus. Hambae nana, “Hipos! Guwa kana!” Ginpatumba ku maeain nga espirito ro tawo ngato sa atubang nanday Jesus. Nagguwa dayon sa tawo ro maeain nga espirito ag owa gid maalin ratong tawo.

Lucas 4:39

Nagpaeapit si Jesus sa may ginaeugban ku panugangan ni Simon ag ginpahalin sa eawas kara ro eagnat. Naduea ro anang eagnat ag nagbangon eagi imaw ag ginserbihan sanda.

Lucas 5:5

Nagsabat si Simon, “Abaw, Sir, sang gabii ro among pagpinangisda pero owa gid kami it dakop. Pero bangod ruyon ro imong hambae hay di sige, itaktak ko ro mga lambat.”

Lucas 8:25

Naghambae si Jesus sa anang mga sumueunod, “Ham-an it owa gihapon kamo it salig kakon?” Hangawa sanda ag kinuebaan ngani nagpaeangutan-an sanda, “Sin-o gid-a ro tawo ngara? Masugo't-a nana bisan ro hangin ag humbak ag nagatuman 't-a sanda kana!”