Lucas 8:21 - Inkeanon

²¹ Ginsabat sanda ni Jesus, “Ro akon nga ginakabig nga ina ag mga igmanghod hay ro mga nagapamati ag nagatuman sa mensahi it Dyos.”

Lucas 8:21 Iomraidhean Croise

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 25:40

“Ag masabat dayon ako nga Hari, ‘Matuod rang ginahambae kinyo nga kon ginhimo ron ninyo sa bisan sambilog eang sa mga pinakakubos nga igmanghod nakon hay pareho man nga ginhimo ron ninyo kakon.’

Mateo 25:45

“Sabton ko dayon sanda, ‘Matuod rang ginahambae kinyo nga kada balibad ninyo kato nga magbulig sa bisan sambilog eang sa mga pinakakubos nga igmanghod nakon hay pareho man nga ako ro ginbalibaran ninyo.’

Mateo 28:10

Naghambae kanda si Jesus, “Ayaw kamo mahadlok. Adtuni ninyo ro akong mga kaigmanghuran ag hambaeon nga mag-adto sa Galilea ag hikita nanda ako idto.”

Lucas 8:15

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Lucas 8:20

May nagsugid kay Jesus, “Idto sa liwan si nanay mo ag ro imong mga igmanghod. Ginausoy ka nanda.”

Juan 13:17

Tungod hasayran eon ninyo makaron ro mga butang ngara hay bulahan gid-a kamo kon himuon ron ninyo.

Juan 20:17

Pero naghambae si Jesus, “Ayaw anay it binuyot kakon ay owa pa ako kabalik sa akong Ama. Adtuni anay ro akong mga kaigmanghuran ag sugiran sanda nga sa indi magbuhay hay gabalik eon ako sa akong Ama ag Dyos, nga inyo man nga Ama ag Dyos.”

2 Corinto 5:16

Ngani makaron, ro among pagtan-aw sa tawo hay bukon eon it nabase sa kon ano ro among makita kanda nga pangguwa eang. Kato anay, ro amon nga pagtan-aw kay Kristo hay makaruyon man, pero makaron hay eain eon ay hasayran eon namon nga bukon eang imaw it tawo.

2 Corinto 6:18

“Mangin Ama ninyo ako ag mangin mga unga nakon kamo.” Raya ro hambae ku Ginuong Dyos nga eabing gamhanan.

Santiago 1:22

Ayaw eang kamo it pamati sa mensahi it Dyos kundi nga dapat gid ninyong tumanon ro anang ginasugo kinyo ay kon gaeaom kamo nga owa't kinahangean nga tumanon ron hay ginaluko eang ninyo ro inyong kaugalingon.

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

3 Juan 1:11

Pinalangga ko nga amigo, ayaw gid pagtueara ro maeain nga ginahimo it tawo, kundi tueara ro mayad. Ro nagahimo it mayad hay unga it Dyos, pero ro gahimo it maeain hay owa nakaeubot kon ano ro kinaiya it Dyos.