Lucas 8:2 - Inkeanon

² Nagsunod man kanday Jesus ro pilang ka bayi nga anang ginpamayad sa andang mga baeatian ag ginsubuean it mga maeain nga espirito. Isaea sa mga bayi ngato hay si Maria nga ginatawag man nga si Magdalena. Pitong ka maeain nga espirito ro ginsuboe ni Jesus kana.

Lucas 8:2 Iomraidhean Croise

Mateo 4:24

Nangin bantog si Jesus hasta sa lugar it Syria ngani nag-adto kana ro mga tawo daea ro tanan nga mga masakiton, ro mga nagaantos it grabi nga kasakit sa sari-sari nga baeatian, ro mga ginsudlan it demonyo, ro mga kueueuon, ag ro mga paralitiko. Ginpamayad sanda tanan ni Jesus.

Marcos 16:1

Pagkataliwan ku Adlaw it Inogpahuway, si Maria Magdalena, si Salome ag si Maria nga nanay ni Santiago hay nagbakae it mga bueong nga mahumot agod ibanyos sa eawas ni Jesus.

Marcos 16:9

Temprano pa, pagkabanhaw ni Jesus ku adlaw it Dominggo hay kay Maria Magdalena eagi imaw una nga nagpakita. Rayang si Maria Magdalena hay ginsubuean ni Jesus it pitong ka demonyo.

Lucas 23:27

Kaabo-abo nga mga tawo ro nagsinunod kay Jesus pati mga bayi nga nagatinangis ag nagainueahab dahil sa kaeuoy kana.

Lucas 23:49

Ro mga kakilaea ni Jesus, pati ro mga bayi nga nagsinunod kana halin sa Galilea hay idto nagatilindog sa maeayo-eayo ag nagapinamantaw ku mga nagkaeanabo.

Lucas 23:55

Ro mga bayi nga nagsinunod kay Jesus halin sa Galilea hay nagsunod kay Jose ag hakita nanda kon siin ro eueubngan ag kon paalin ginbutang idto ro eawas ni Jesus.

Lucas 8:30

Ginpangutana imaw ni Jesus, “Ano ro imong ngaean?” Nagsabat imaw, “Ako si Panong.” Rato ro anang hambae ay kaabo ro demonyo nga nagsueod sa tawo ngato.

Juan 19:25

Idto maeapit sa krus ni Jesus hay nagatindog ro anang ina, ro anang tiya nga igmanghod ku anang ina, si Maria nga asawa ni Cleopas ag si Maria Magdalena.

Mga Binuhatan 1:14

Permi sandang nagatililipon ag nagahiliugyon sa pagpangamuyo. May mga bayi man nga nagaiba kanda, pati man si Maria nga nanay ni Jesus ag ro mga igmanghod ni Jesus nga mga eaki.