Lucas 8:18 - Inkeanon

¹⁸ Pamati kamo it mayad sa akong ginaturo ngara tungod ro nagapati ag nagapangusisa abi sa akong ginaturo hay pagadugangan pa gid it Dyos ro anang kaaeam. Pero ro owa nagapati ag owa nagapangusisa sa akong ginaturo hay bue-on kana it Dyos bisan ro sangkiri nga matsa anang haeubtan.”

Lucas 8:18 Iomraidhean Croise

Mateo 13:12

Ro nagapati ag nagapangusisa abi sa akong ginaturo hay dugangan pa gid it Dyos ro anang kaaeam agod mas makaeubot pa gid imaw. Pero ro owa nagapati ag owa nagapahaega sa akong ginaturo hay bue-on kana it Dyos bisan ro sangkiri nga anang haeubtan.

Mateo 25:29

Ro nagagamit it mayad ku gintugyan kana it Dyos hay tugyanan pa gid it abo pero ro owa nagagamit it mayad ku gintugyan kana it Dyos hay bawian it Dyos ku bisan sangkiri nga una kana.

Marcos 13:14

Naghambae pa gid si Jesus, “Kon hikita eon ninyo ro ‘bagay nga makangingil-ad’ nga nahamtang sa bukon it dapat nana nga pahamtangan, (sa manogbasa, eubta ro buot hambaeon kara,) paeagiw eagi kamo. Ro mga nagaistar sa Judea hay dapat nga magpaeagiw sa kabukiran.

Lucas 19:26

Nagsabat imaw, ‘Ginahambae ko kinyo nga ro nagagamit it mayad ku gintugyan kana it Dyos hay tugyanan pa gid it abo, pero ro owa nagagamit it mayad ku gintugyan kana it Dyos hay bawian it Dyos ku bisan sangkiri nga una kana.

Lucas 9:44

“Tamnan gid sa inyong paino-ino ro ihambae ko ngara. Ako nga Unga it Tawo hay traiduron ag itugyan sa mga manogdumaea.”

Juan 15:2

Ana nga ginaputoe ro kada sanga nga owa gabunga. Pero ro mga sanga nga nagabunga hay ana nga ginapungoe agod magbunga pa gid it abo.

Mga Binuhatan 10:33

Ngani ginpasueang ta eagi ag saeamat gid ay nagmunot ka. Iya kami tanan makaron nagatililipon sa atubang it Dyos agod magpamati ku tanan nga ginsugo kimo it Ginuo nga ihambae kamon.”

Mga Binuhatan 17:11

Ro mga tawo idto hay mas bukas ro andang paino-ino kaysa sa mga tagaTesalonica. Naila gid sanda it duro nga magpamati sa mensahi ag adlaw-adlaw hay ginausisa nanda ro Sagrado nga Kasueatan kon matuod gid ro ginahambae ni Pablo.

Mga TagaRoma 12:3

Tungod sa otoridad nga gintao kakon it Dyos bilang apostol, ginahambae ko kinyo tanan nga ayaw pag-isipa nga mas mayad pa kamo kaysa sa iba. Ro inyo dapat nga pagtan-aw sa inyong kaugalingon hay insakto eang ag suno sa mga abilidad nga gintao it Dyos kinyo dahil sa inyong pagtuo.

1 Corinto 14:37

Kon may nagaeaom nga manogsugid imaw ku ginpahayag kana it Dyos nga gusto nanang ipaabot sa kadagayaan o nagaeaom nga una matuod kana ro Espirito Santo hay dapat nga batunon nana nga ro akon ngarang ginasueat kinyo hay sugo't-a ra it Ginuo.

1 Corinto 3:18

Ayaw ninyo paglukuha ro inyong kaugalingon. Kon may una kinyo nga nagaeaom nga maaeam imaw sa pagtan-aw ku mga tawo iya sa kalibutan hay mas mayad pa nga mangin kaumangon imaw sa andang pagtan-aw agod mangin maaeam matuod imaw it kaaeam halin sa Dyos.

1 Corinto 8:2

Ro nagaeaom nga sayod eon nana ro tanan hay nagapakita nga may ana nga owa pa't-a hasayri.

Mga TagaFilipos 3:4

Kon masaligan malang ro mga ruyon ngaron hay abo man ro akon karon. Kon may maghambae nga may ana karon hay mas kapin pa gid ako.

Mga Hebreo 2:1

Ngani dahil nga ro Unga it Dyos hay eabaw gid sa tanan, dapat naton nga lig-unon pa gid ro atong pagpati sa mensahi parti sa kaeuwasan nga aton eon nga habatian agod indi kita mag-amat it paeayo dikaron.