Lucas 8:15 - Inkeanon

¹⁵ Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Lucas 8:15 Iomraidhean Croise

Mateo 24:13

Pero ro nagapadayon nga nagatuo kakon hasta sa kamatayon hay maeuwas.

Lucas 11:28

Pero nagsabat si Jesus, “Matuod ron pero mas kapin 't-a nga bulahan ro mga nagapamati ag nagatuman sa mensahi it Dyos.”

Lucas 6:45

Makaruyon man ro tawo. Ro tawo nga may mayad nga kabubut-on hay gahimo man it mayad, ag ro tawo nga may maeain nga kabubut-on hay gahimo man it maeain. Kon ano ro una sa kabubut-on it tawo hay imaw man ro gaguwa sa ba-ba.”

Lucas 8:14

Ro natabo ma't-a sa binhi nga tumugpa sa kasiitan hay kahalimbawa ku mga nagpamati sa mensahi it Dyos pero ro mensahi ngato hay matsa linuok it mga problema sa pangabuhi, handom nga magmanggad ag kaila it kalingawan. Imaw ron ngani nga owa makapamunga ro mensahi ngato sa andang kabuhi.

Lucas 8:16

Naghambae pa gid si Jesus, “Owa it nagasindi it iwag ag ana ra dayon nga ginatakeuban o ginatago sa idaeom it katri kundi ginabutang ra sa tueungtungan agod mahayagan ag makakita it mayad ro nagasueod sa baeay.

Juan 14:15

Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.

Mga TagaRoma 2:7

Taw-an nana it kabuhi nga owa't katapusan ro nagapadayon nga nagahimo it mayad ay nagapaabot gid sanda nga padunggan ag itapoe sa kanami-nami nga kahimtangan nga owa it katapusan idto sa eangit.

Mga TagaRoma 6:22

Pero makaron hay hilway eon kamo sa pagkaulipon it saea ag nangin ulipon eon kamo it Dyos. Ro inyong haganar karon hay nagapangabuhi kamo it balaan ag ro bunga karon hay kabuhi nga owa't katapusan.

Mga TagaRoma 7:18

Sayod ako nga owa gid it mayad sa akong kinaiya nga makasasaea. Gusto ko kunta nga mag-obra it mayad ugaling hay indi ko ron masarangan nga obrahon.

Mga TagaRoma 7:4

Makaruyon man kamo, mga igmanghod ko. Ro Kasuguan hay matsa inyo anay nga asawa ugaling tag namatay si Kristo hay pareho man nga namatay kamo kaibahan nana ngani hilway eon kamo sa obligasyon nga magtuman sa Kasuguan agod maeuwas. Natabo ra agod may inyo eon nga bag-ong asawa ag ruyon hay si Kristo nga ginbanhaw. Ngani imaw ro atong tumanon agod magbunga it mayad ro atong kabuhi para sa kadayawan it Dyos.

Mga TagaRoma 8:25

Pero kon owa pa naton habaton ro atong ginapaabot hay ginapaabot-abot gid ron naton nga may pagtiis ay sigurado kita nga maabot gid ron.

1 Corinto 7:19

Bukon it importanti kon hatuli ka o owa, ro importanti hay nagatuman ka sa mga sugo it Dyos.

Mga TagaEfeso 2:8

Dahil sa rayang sobrang kabuot it Dyos hay naeuwas kamo paagi sa inyong pagtuo kay Kristo. Ro kaeuwasan ngara hay bukon it halin sa inyong binuhatan kundi regalo ron kinyo it Dyos.

Mga TagaFilipos 1:11

Ag sa adlaw ngaron hay makita nga ro bunga ku inyong pagtuo kay Jesu-Kristo hay kabuhi nga matarong gid, ag pagapadunggan ro Dyos ag pagakilan-on ro anang pagkadaeayawon.

Mga TagaColosas 1:10

Dahil kon itugot nana ra, magakabuhi kamo nga bagay sa mga sumueunod it Ginuo ag ro tanan ninyo nga ginaobra hay makapalipay kana. Ginapangamuyo man namon nga makahimo kamo permi it tanan nga mayad nga buhat, ag makilaea pa gid ninyo it mayad ro Dyos.

Mga TagaColosas 1:6

Rayang mensahi hay nagaeapnaag man sa bilog nga kalibutan. Bisan siin ra makaabot hay nagadinugang pa gid ro nagatuo kara, ag nagabag-o ro kabuhi ku mga nagatuo pareho man sa natabo inha kinyo. Halin ku pagkabati ninyo ku Mayad nga Balita hay inyo nga haeubtan it mayad kon ano gid ro sobrang kabuot it Dyos nga anang ginpakita pageuwas nana kinyo.

Mga Hebreo 10:36

Dapat nga padayon kamo sa inyong pagtuo kay Jesus agod mabaton ninyo ro ginpromisa it Dyos dahil gintuman ninyo ro anang kabubut-on.

Mga Hebreo 2:1

Ngani dahil nga ro Unga it Dyos hay eabaw gid sa tanan, dapat naton nga lig-unon pa gid ro atong pagpati sa mensahi parti sa kaeuwasan nga aton eon nga habatian agod indi kita mag-amat it paeayo dikaron.

Santiago 1:4

Ngani batasa ninyo ro mga pagtesting sa inyong pagtuo nga inyong ginaagyan ay ro bunga karon hay magaamat nga magamayad ro inyong batasan hasta owa eon it ikasaway karon.

1 Juan 2:3

Dapat nga tumanon naton ro mga sugo it Dyos dahil daya ro pamatuod nga nakakilaea gid kita kana, ag maeapit gid kita kana.