Lucas 8:14 - Inkeanon

¹⁴ Ro natabo ma't-a sa binhi nga tumugpa sa kasiitan hay kahalimbawa ku mga nagpamati sa mensahi it Dyos pero ro mensahi ngato hay matsa linuok it mga problema sa pangabuhi, handom nga magmanggad ag kaila it kalingawan. Imaw ron ngani nga owa makapamunga ro mensahi ngato sa andang kabuhi.

Lucas 8:14 Iomraidhean Croise

Mateo 13:22

Ro natabo ma't-a sa binhi nga tumugpa sa kasiitan hay kahalimbawa ku mga nagpamati sa mensahi it Dyos pero ro mensahi ngato hay matsa linuok it mga problema sa pangabuhi, ag handom nga magmanggad nga matsa nagbulag kana. Imaw ron ngani nga owa makapamunga ro mensahi ngato sa anang kabuhi.

Marcos 4:19

pero ratong mensahi hay matsa linuok it mga problema sa pangabuhi, handom nga magmanggad ag mas magmanggaranon pa gid nga matsa nagbulag kanda. Imaw ron ngani nga owa makapamunga ro mensahi ngato sa andang kabuhi.

Lucas 16:13

Owa it ulipon nga makaserbi it dungan sa daywang ka amo. Tungod ro matabo hay ana nga kaugtan ro sambilog ag higugmaon ro isaea o ana nga apinan ro sambilog ag baliwalaon ro isaea. Indi kamo puyding magserbi sa Dyos it husto ag paeabihon man ninyo ro pagmanggad.”

Lucas 21:34

“Ngani mag-andam gid kamo sa sobra-sobrang pagkinalipay ag pagpinahilong, ag pagpinalitik it ueo parti sa tanan nga kinahangeanon sa pagpangabuhi, ay magapugong ron kinyo sa pagpahaom sa akong pagbalik, ag basi hiabut-abutan kamo ku adlaw ngaron nga gulping maabot pareho ku pagpisik it kisiw.

Lucas 8:13

Ro natabo ma't-a sa binhi nga tumugpa sa may dalipi hay kahalimbawa ku mga nagpamati sa mensahi it Dyos ag nagbaton nga may kalipay pagkabati kato nanda. Ugaling tungod owa nakagamot it mayad ro andang habatian hay owa man rato magbuhay sa andang paino-ino ngani pag-abot it kalisod hay nagtalikod dayon sanda sa anda ngatong ginbaton.

Lucas 8:15

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Lucas 8:7

May binhi man nga tumugpa sa kasiitan. Nagtubo rato ugaling nageambo ro mga masiit nga hilamunon ag matsa linuok ratong mga tanom.

Juan 15:6

Ro owa nagapadayon sa anang maeueot nga kaangtanan kakon hay pareho it inutod nga mga sanga nga eangkay eon. Tipunon dayon sanda ag ginaitsa sa kaeayo agod masunog.

1 Timoteo 6:17

Hambaei ro mga tumueuo inha nga manggaranon sa mga butang iya sa kalibutan, nga indi magpabugae ag indi magsalig sa anda nga manggad nga madali maduea. Sa Dyos 't-a dapat sanda magsalig ay imaw ro nagatao it bugana ku tanan nga mga butang agod mangin malipayon kita.

2 Timoteo 4:10

ay gin-aywanan eon ako ni Demas ag nag-adto imaw sa Tesalonica, ay naila't-a imaw it duro sa kasadyahan sa rayang tyempo, ag owa eo't-a it bali kana kon owa imaw it mabaton nga premyo sa ulihi. Nagpanaw si Cresens sa probinsya it Galacia, ag si Tito ma't-a hay idto sa probinsya it Dalmatia.

Mga Hebreo 6:1

Ngani, indi eang kita magpabilin it tinuon sa mga primero nga mga turo parti kay Kristo kundi magpadayon kita sa mas madaeom nga mga turo agod maghamtong kita sa pagtuo. Kon sa pagpatindog ron it baeay hay kon hausod eon naton ro pundasyon, padayunon eon naton ro pagpatindog bukon it mag-inusod la't-a kita it pundasyon! Ro akong buot hambaeon hay indi eon naton pagbinalik-balikon it tuon ro mga doktrina nga pareho it pundasyon, tutal hatun-an eon naton ro mga ruyon ngaron. Ro mga halimbawa karon nanda hay: ro pagtalikod sa mga buhat nga eaom naton hay makaeuwas katon, ro kinahangean nga magtuo sa Dyos,