Lucas 8:1 - Inkeanon

¹ Pagkatapos kato hay naglinibot si Jesus sa mga kabanwahan ag kabaryuhan ag nagwali ku Mayad nga Balita parti sa paghari it Dyos. Nagsunod man kana ro anang doseng ka apostoles.

Lucas 8:1 Iomraidhean Croise

Mateo 11:1

Pagkatapos ni Jesus it hambae ku anang mga bilin sa anang dose nga ka sumueunod hay naghalin dayon imaw sa ratong lugar ag nag-adto sa iba pang mga kabanwahan it Galilea agod magturo ag magwali.

Mateo 13:19

Ro natabo sa binhi nga tumugpa sa daean hay kahalimbawa ku nagpamati sa mensahi parti sa paghari it Dyos pero owa nana rato maeubti ag nag-abot dayon si Satanas, ro ginahalinan it kaeainan, ag ginbuoe sa anang isip ratong mensahi nga anang habatian.

Mateo 4:23

Naglinibot si Jesus sa bilog nga probinsya it Galilea ag nagturo sa mga *sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag ana man nga ginpamayad ro tanang klasi it baeatian ag masakit ku mga tawo.

Mateo 9:35

Pagkatapos hay naglinibot si Jesus sa mga kabanwahan, ag kabaryuhan ag nagturo sa mga sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag anang ginpamayad ro tanang klasi it baeatian ag masakit ku mga tawo.

Marcos 1:39

Ngani naglinibot imaw sa bilog nga probinsya it Galilea nga nagawali sa mga sinagoga ag nagapangsuboe it mga maeain nga espirito sa eawas it mga tawo.

Lucas 1:80

Nagtaliwan ro mga inadlaw ag nagbahoe si Juan nga makusog ag but-anan. Ku ulihi, nag-adto imaw sa *disyerto, ag idto nagtenir hasta umabot ro adlaw nga nagpakita imaw ag nagwali sa anang mga kadugo nga mga inapo ni Israel.

Lucas 20:1

Isaeang adlaw nga nagaturo si Jesus sa mga tawo ag nagawali ku Mayad nga Balita idto sa *lagwirta it Templo hay binuslahan imaw ku mga pinuno it mga saserdote, mga maestro it Kasuguan ag ku kaibahan nandang mga lider.

Lucas 4:18

“Ginagamhan ako ku Espirito it Ginuong Dyos tungod ana akong ginpili nga magwali ku Mayad nga Balita sa mga kubos. Ana ako nga ginpaadto iya agod ipahayag sa mga bihag nga puydi sandang mahilway ag sa mga bulag nga makakita sanda it uman ag sa mga matsa ginaeuok it kalisod nga puydi man sanda nga makatibawas.

Lucas 9:6

Nagpanaw dayon ro mga sumueunod sa mga kabaryuhan ag nagwali ku Mayad nga Balita ag nagpamayad it mga masakiton bisan siin sanda mag-adto.

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 13:32

Ag kami man hay nag-adto iya agod isugid kinyo ro Mayad nga Balita parti sa kaeuwasan nga ginpromisa it Dyos sa atong mga kalolo-lolohan.

Mga TagaRoma 10:15

Ag paalin man makawali ro manogwali kon owa it magpapanaw kana agod magwali? Pero may ginpapanaw ro Dyos nga mga manogwali ay nasueat sa Sagrado nga Kasueatan nga, “Kanami gid kon may nagaabot nga nagadaea it mayad nga balita.”