Lucas 7:6 - Inkeanon

⁶ Ngani nagmunot kanda si Jesus. Tag maeapit lang sanday Jesus sa baeay, may ginsugo nga mga amigo ro kapitan nga magtabo kana. Hambae nanda kay Jesus, “Ginuo, ginapahambae ni kapitan nga ayaw eon mana mag-awat pa it adto sa amon ay bukon mana ako it takos nga magbaton kimo sa among baeay.

Lucas 7:6 Iomraidhean Croise

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Marcos 5:24

Ngani nagsunod si Jesus kana pauli ag kaabo man nga mga tawo ro nagsueunod kanda nga nagadueutdutan.

Lucas 5:8

Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.”

Lucas 7:4

Pag-abot kay Jesus ku mga ginsugo hay naghinyo gid sanda. Hambae pa nanda, “Bagay ma't-a nga buligan mo ro kapitan ngara.

Lucas 7:5

Palangga abi nana ro atong rasa ag ginpatindugan pa ngani nana kami it sinagoga.”

Lucas 7:7

Mawron ngani mana nga owa ako nagpakigkita kimo ay bukon ako it takos nga mag-atubang kimo. Pero hambaean eang mana ag gamayad gid ro akong sueuguon.

Lucas 8:49

Samtang nagahambae kara si Jesus, may nag-abot halin sa baeay nanday Jairus nga nagsugid kana, “Owa eo't-a ring unga. Mayad lang siguro nga indi mo eon pag-awaton ro manogturo.”

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Santiago 4:10

Magpaubos kamo sa Ginuo ag ana kamo nga padunggan.

Santiago 4:6

Pero mas mabahoe ro bulig nga ginatao it Dyos katon agod maperdi ron. Sayod naton ron ay nagahambae man ro Kasueatan nga “Ro mga matinaas-taason hay ginakuntra it Dyos pero ro mga mapainubuson hay anang ginapakamaayo.”