Lucas 7:47 - Inkeanon

⁴⁷ Ngani, ginahambae ko kimo nga bisan abo ro saea ku bayi ngara hay ginpatawad imaw it Dyos ag masayran ron sa anang mabahoe nga paghigugma nga ginpakita kakon. Pero ro sangkiri ro anang saea nga ginpatawad it Dyos hay maisot man ro anang paghigugma.”

Lucas 7:47 Iomraidhean Croise

Mateo 10:37

Ro nagahigugma sa anang ginikanan it sobra pa sa anang paghigugma kakon hay indi bagay nga mangin sumueunod nakon. Ro nagahigugma sa anang unga it sobra pa sa anang paghigugma kakon hay bukon it bagay nga mangin sumueunod nakon.

Lucas 7:39

Pagkakita kara it Pariseo nga nagkangay kay Jesus, sinana sa anang paino-ino, “Kon matuod imaw ra nga propeta it Dyos hay hasayran eon kunta nana kon anong bayiha ro nagatinabing ngaron kana, ay makasasaea ro bayi ngaron!”

Lucas 7:46

Owa mo man pagbu-bui it eana ro akong ueo bilang pag-abi-abi kakon pero anang ginbu-buan it pahumot ro akong siki.

Lucas 7:48

Ginhambae dayon ni Jesus ro bayi, “Ginpatawad eon ro imong mga saea.”

Mga Binuhatan 5:31

Rayang si Jesus hay ginpapungko it Dyos sa anang tuo bilang pinakapinuno ag Maneueuwas agod taw-an nana kita nga mga inapo ni Israel it kahigayunan nga makahinuesoe ag talikdan ro atong mga saea agod mapatawad kita.

Mga TagaRoma 5:20

Gintao it Dyos ro Kasuguan agod hikita it tawo kon man-o it abo ro andang pageapas karon. Pero bisan nag-inabo ro pagpakasaea it tawo hay mas nagpaeanubra man ro kabuot it Dyos.

2 Corinto 5:14

Ro paghigugma ni Kristo sa tanan nga tawo ro nagagahom kamon sa tanan namong ginahimo. Ro ebidensya ku gugma ngaron hay nga namatay imaw bilang sal-i it tanan, ngani ro anang kamatayon hay ginakabig nga kamatayon man it tanan nga tawo.

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

Mga TagaEfeso 6:24

Kabay pa nga ro tanan nga nagahigugma sa atong Ginuong Jesu-Kristo it paghigugma nga owa nagakupas bisan hasta hin-uno hay masamitan pa gid ro sobrang kabuot it Dyos.

Mga TagaFilipos 1:9

Ag ro akong pangamuyo para kinyo hay nga ro inyong gugma sa Dyos ag sa inyong isigkatawo hay mas magbahoe pa gid, ag ro inyong pagkakilaea sa Dyos hay mas madugangan pa gid ag mas makaeubot kamo kon ano ro tama nga himuon sa tanan nga sitwasyon.

1 Timoteo 1:14

Ginbu-bu pa ngani kakon nga owa it hawid-hawid ku atong Ginuo ro anang sobrang kabuot, ay gintaw-an nana ako it pagtuo kana ag paghigugma nga una sa tanan nga may maeueot nga kaangtanan kay Kristo Jesus.

1 Juan 1:7

Pero kon kita hay nagakabuhi sa kahayag, kapareho ku Dyos nga una sa kahayag hay may atong mayad nga pag-ililiba sa atong mga kaigmanghuran, ag ro pag-uea ku dugo ni Jesus kat gineansang imaw sa krus ro nagalimpyo sa tanan-tanan naton nga mga saea.

1 Juan 3:18

Mga unga nakon sa pagtuo, ipakita naton ro atong matuod nga paghigugma sa atong mga igmanghod paagi sa paghimo kanda it mayad. Ayaw eang kamo maghinambae nga ginahigugma ninyo sanda, kundi ipakita man sa buhat.

1 Juan 4:19

Nagahigugma kita ay ro Dyos ro unang naghigugma katon.

1 Juan 5:3

Ro aton abi nga paghigugma sa Dyos hay makita paagi sa aton nga pagtuman sa anang kasuguan. Ro anang kasuguan hay bukon eon it pareho ku mabug-at nga daeaehon nga haeos indi naton madaea,