Lucas 7:42 - Inkeanon

⁴² Indi ro daywa ngato makabayad ku andang utang ngani owa lang sanda pagsukta ku manogpautang. Kon kimo, sin-o sa daywa ngato ro mas gahigugma sa manogpautang?”

Lucas 7:42 Iomraidhean Croise

Mateo 18:27

Ginkaeuy-an imaw it hari ngani ginpaea eon lang ro anang utang sa listahan, tapos ginpapanaw imaw.

Mateo 18:34

Naakig gid it duro ro hari sa ulipon, ag ana ra nga ginpapriso agod hipasakitan it todo-todo hasta nga makabayad imaw ku anang utang.”

Mateo 6:12

Patawara kami sa among mga saea dahil gintuman namon ro sugo nga dapat kami magpatawad sa tanan nga nagakasaea kamon.

Lucas 7:43

Nagsabat si Simon, “Kon kakon hay rato siguro ron nga mas abo ro anang utang.” Naghambae si Jesus, “Tama ka gid.”

Mga TagaRoma 3:24

Pero dahil sa sobrang kabuot it Dyos hay ginbilang nana kita nga matarong sa anang panueok. Owa ron nana pagpabayri katon dahil sa ginhimo ni Kristo Jesus agod tubson kita sa pina it atong mga saea.

Mga TagaRoma 5:6

Tag owa gid kita it mahimo agod magpundo sa pagpakasaea, sa tama nga oras nga gintaeana it Dyos hay namatay si Kristo por dahil katon nga mga owa it kahadlok kana.

Mga TagaGalacia 3:10

Pero ro tanan nga nagasalig sa andang pagtuman sa Kasuguan agod mangin matarong sa panueok it Dyos hay owa't ibang dangatan kundi ro anang pina. Ro rason karon hay dahil nga nasueat sa Sagrado nga Kasueatan nga, “Ro owa nagatuman permi it husto sa tanan-tanan nga nasueat sa Kasuguan hay owa't ibang dangatan kundi ro pina it Dyos.”

Mga TagaEfeso 1:7

Tungod paagi sa dugo ni Jesu-Kristo hay gintubos kita sa pina it saea nga ro buot hambaeon hay ginpatawad eon nana ro atong mga pageapas. Ginpatawad nana kita dahil sa anang sobrang kabuot

Mga TagaEfeso 4:32

Dapat nga mabuot ag maeueuy-on kamo sa kada isaea. Patawara ro kada isaea pareho sa pagpatawad ku Dyos kinyo paagi kay Kristo.

Mga TagaColosas 3:13

Mangin mapinasensyahon kamo sa kada isaea ag kon may agrabyo kamo sa kada isaea hay magpaeatawaran kamo pareho ku pagpatawad kinyo it Ginuo.