Lucas 7:37 - Inkeanon

³⁷ Sa rato nga banwa hay may idto nga bayi nga kilaea anay bilang maeain nga bayi. Pagkasayod nana nga si Jesus hay sa baeay it Pariseo gakaon, nag-adto man imaw idto. Nagdaea ro bayi ngato it pahumot nga nakasueod sa sueudlan nga human sa bato nga alabastro kon tawgon.

Lucas 7:37 Iomraidhean Croise

Mateo 21:31

Siin sa daywa ngato nga ka unga ro nagsunod sa gusto ku andang ama?” “Ro kamagueangan,” sabat nanda. Nagsabat si Jesus, “Tama. Matuod rang ginahambae kinyo nga ro mga madaya nga mga *manogsukot it buhis ag ro mga bayi nga nagabaligya ku andang kaugalingon hay nagauna pa kinyo nga mangin sinakpan it Dyos.

Lucas 18:13

“Pero ro *manogsukot it buhis ma't-a nga nagatindog idto sa maeayo-eayo hay indi ngani makatangda sa eangit sa kahuya ag ginabinayo ro anang dughan, tanda ku anang paghinuesoe. Hambae nana, ‘Makasasaea ako, Dyos ko. Kaeuuyi man ako!’ ”

Lucas 19:7

Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”

Lucas 5:30

Pagkatapos kara hay ginbuslahan ku mga Pariseo ag ku mga maestro it Kasuguan nga kapareho nanda nga mga Pariseo man ro mga sumueunod ni Jesus ay naugot sanda. “Ham-an it nagasaeo kamo sa mga *manogsukot it buhis ag sa iba pa nga mga makasasaea?” hambae nanda.

Lucas 5:32

Owa ako nag-adto riya agod pahinuesueon ro mga nagaeaom nga matarong eon sanda kundi rondato nga haom mag-ako nga sanda hay mga makasasaea.”

Lucas 7:34

Ako ma't-a nga Unga it Tawo hay gakaon ag gainom sa mga okasyon ag sininyo hay ‘Haron ro sueok ag paeahilong ag nagaamigo pa sa mga manogluko nga mga *manogsukot it buhis ag sa ibang mga makasasaea.’

Lucas 7:36

Kaisaea kato, si Jesus hay ginkangay it isaeang ka Pariseo nga idto magkaon sa andang baeay ngani nag-adto imaw. Pag-abot idto hay sumaylo imaw sa lamisa agod magkaon.

Juan 11:2

Dayang si Maria ro sa ulihi hay gabu-bu it pahumot sa siki ku Ginuo ag ana man dayon rato nga pahiran ku anang buhok. Si Lazarus ngato nga nagamasakit hay igmanghod ni Maria ngara.

Juan 9:24

Ginpasueang it uman ku mga Pariseo rondatong eaki. Pag-abot nana hay ginhambae nanda imaw, “Pagsumpa sa Dyos nga gasugid ka it matuod, ay sayod namon nga ro nagpamayad kimo hay makasasaea.”

Juan 9:31

Sayod naton nga ro Dyos hay owa nagasabat sa pangamuyo it makasasaea pero ro anang ginapamatian hay ro nagasimba kana nga may pagtahod ag gatuman sa anang pagbuot.

Mga TagaRoma 5:8

Pero ginpakita it Dyos ro kabahoe ku anang gugma katon nga tag mga makasasaea pa kita hay namatay si Kristo por dahil katon.

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.

1 Timoteo 1:9

Dapat naton nga dumdumon nga ro Kasuguan hay owa pagtaw-an it Dyos agod badlungon ro mga matarong kundi ro mga nagabaliwala sa Kasuguan, ro mga indi magpasakop sa bisan ano nga otoridad, ro mga owa it kahadlok sa Dyos, ro mga makasasaea, ro mga owa it pagtaha sa mga bagay nga sagrado, ag ro mga nagabaliwala sa mga bagay nga mahaega sa Dyos. Ro Kasuguan hay pangbadlong man sa mga nagapamatay sa andang isigkatawo pati ku andang ama o ina,

1 Pedro 4:18

Pareho sa nasueat sa Sagrado nga Kasueatan, “Kon nagakalisod ngani ro mga matarong bago maeuwas, hay ano lang ro dangaton ku mga owa it kahadlok sa Dyos, ag ku mga makasasaea?”