Lucas 7:34 - Inkeanon

³⁴ Ako ma't-a nga Unga it Tawo hay gakaon ag gainom sa mga okasyon ag sininyo hay ‘Haron ro sueok ag paeahilong ag nagaamigo pa sa mga manogluko nga mga *manogsukot it buhis ag sa ibang mga makasasaea.’

Lucas 7:34 Iomraidhean Croise

Mateo 11:19

Ako ma't-a nga Unga it Tawo hay gakaon ag gainom sa mga okasyon ag sinanda ku mga tawo hay ‘Haron ro sueok ag paeahilong ag nagaamigo pa sa mga manogluko nga *manogsukot it buhis ag sa ibang mga makasasaea.’ Pero di bali tungod ro kaaeam it Dyos hay mapamatud-an nga tama paagi sa matarong nga pagpangabuhi ku mga nagasunod karon.”

Mateo 5:46

Ham-an gid abi nga premyuhan kamo it Dyos kon ro inyo eang nga ginahigugma hay ro nagahigugma man kinyo? Gahigugma man ngani ro mga manogluko nga *manogsukot it buhis sa mga nagahigugma kanda, bukon abi?

Mateo 9:11

Pagkatapos kara hay ginbuslahan ku mga Pariseo ro mga sumueunod ni Jesus ay naugot-ugot sanda. “Ham-an it nagasaeo sa mga *manogsukot it buhis ag sa iba pa nga mga makasasaea ro inyong maestro?” hambae nanda.

Lucas 11:37

Pagkatapos ni Jesus it hambae, may sangka Pariseo nga nagkangay kana nga magkaon sa andang baeay. Nagmunot si Jesus ag pag-abot idto hay sumaylo imaw sa lamisa agod magkaon.

Lucas 14:1

Isaeang ka Adlaw it Inogpahuway, ginkangay si Jesus it sangka manogdumaea it mga Pariseo nga idto magkaon sa anda. Tag nakasaylo eon imaw hay ginbinantayan gid imaw it mga tawo idto.

Lucas 15:2

Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.”

Lucas 19:7

Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”

Lucas 5:29

Ku ulihi hay naghiwat it engrande nga handaan si Levi sa ana nga baeay para sa pagpadungog kay Jesus. Abo nga mga *manogsukot it buhis nga andang bisita ag iba pang mga tawo ro nagdungan kanda sa pagkaon.

Lucas 7:33

Pareho gid-a kamo it mga unga ngaron nga artihan. Ham-an abi? Tungod si Juan nga Manogbawtismo hay gapuasa ag owa gainom it bino, pero sininyo hay ginsudlan imaw it demonyo.

Lucas 7:35

Pero di bali tungod ro kaaeam it Dyos hay ginapamatud-an nga tama paagi sa matarong nga pagpangabuhi ku tanan nga nagasunod karon.”

Lucas 7:36

Kaisaea kato, si Jesus hay ginkangay it isaeang ka Pariseo nga idto magkaon sa andang baeay ngani nag-adto imaw. Pag-abot idto hay sumaylo imaw sa lamisa agod magkaon.

Juan 12:2

May nagpaihapon idto bilang pagpadungog kay Jesus. Nagserbi si Marta, ag si Lazarus hay isaea sa mga kaibahan nanday Jesus sa pagkaon.

Juan 2:2

Si Jesus ag ro anang mga sumueunod hay idto man tungod kangay man sanda.