Lucas 7:33 - Inkeanon

³³ Pareho gid-a kamo it mga unga ngaron nga artihan. Ham-an abi? Tungod si Juan nga Manogbawtismo hay gapuasa ag owa gainom it bino, pero sininyo hay ginsudlan imaw it demonyo.

Lucas 7:33 Iomraidhean Croise

Mateo 10:25

Ngani dapat nga malipay ro sumueunod kon maltratuhon imaw pareho ku pagmaltrato sa anang manogturo. Imaw man sa ulipon. Dapat imaw malipay kon maltratuhon imaw pareho ku pagmaltrato sa anang amo. Kon ako ngani nga ueo it panimaeay hay gintawag ku mga tawo nga si Beelzebul, kamo man nga mga myembro it panimaeay hay sigurado nga pakalisdon nanda.”

Mateo 3:1

Nag-abot ro tyempo nga si Juan nga Manogbawtismo hay nag-umpisa sa anang pagpangwali idto sa *disyerto sa Judea.

Mateo 3:4

Ro eambong ni Juan hay ginhaboe nga baeahibo it sapat nga kamelyo, ro anang paha hay human sa panit it sapat ag ro anang pagkaon hay apan ag dugos.

Marcos 1:6

Ro eambong ni Juan hay ginhaboe nga baeahibo it sapat nga kamelyo, ro anang paha hay panit ag ro anang pagkaon hay apan ag dugos.

Lucas 1:15

tungod mangin dungganon imaw sa mata it Ginuong Dyos. Indi gid imaw dapat mag-inom it bino ag bisan ano nga makahieilong nga ilimnon. Pagagamhan eagi imaw it Espirito Santo bisan sa tiyan pa eang imaw ku ana nga ina.

Lucas 7:32

Pareho sanda it mga artihan nga mga unga nga nagahinampang ag nagasinggit sa andang mga kahampang. Hambae nanda, ‘Gintukaran namon kamo agod magsaot kamo, owa man kamo magsaot. Nagkanta kami it para sa namatyan pero owa gid kamo bisan magtangis-tangis eon lang.’

Lucas 7:34

Ako ma't-a nga Unga it Tawo hay gakaon ag gainom sa mga okasyon ag sininyo hay ‘Haron ro sueok ag paeahilong ag nagaamigo pa sa mga manogluko nga mga *manogsukot it buhis ag sa ibang mga makasasaea.’

Juan 10:20

Abo kanda ro nagahambae, “Kaumangon ron imaw ay ginsudlan imaw it demonyo. Ham-an it nagapinamati't-a kamo sa anang ginahinambae karon?”

Juan 8:48

Naghambae dayon ro mga Judio ngato kay Jesus, “Tama gid-a ro amon nga hambae nga pareho ka sa makangingil-ad nga Samaritanhon ag ginagamhan ka pa it demonyo!”

Juan 8:52

Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?

Mga Binuhatan 2:13

Pero ro iba hay nag-intrimis sa mga tumueuo. Hambae nanda, “Mga hilong 't-a ron!”