Lucas 7:29 - Inkeanon

²⁹ Ro tanan nga mga tawo, pati man ro mga *manogsukot it buhis nga nakabati ku mga ginhambae kato ni Juan kon ano ro ginapasunod it Dyos nga dapat nandang obrahon hay nagkompormi nga tama rato, mawron nga nagpabawtismo sanda kay Juan.

Lucas 7:29 Iomraidhean Croise

Mateo 5:46

Ham-an gid abi nga premyuhan kamo it Dyos kon ro inyo eang nga ginahigugma hay ro nagahigugma man kinyo? Gahigugma man ngani ro mga manogluko nga *manogsukot it buhis sa mga nagahigugma kanda, bukon abi?

Lucas 20:6

Kon hambaeon man naton nga halin eang sa tawo ro otoridad ni Juan hay batuhon man kita ku tanan nga mga tawo, ay gapati gid sanda nga propeta si Juan.”

Lucas 3:12

May mga manogsukot man it buhis nga nag-adto kay Juan agod magpabawtismo. Nagpangutana sanda kana, “Hay kami, maestro? Maalin man kami?”

Lucas 7:28

Ginahambae ko kinyo nga owa pa it natawo iya sa ibabaw it kalibutan nga eabaw pa kay Juan nga Manogbawtismo. Pero mas pa kay Juan ro pinakakubos sa mga sinakpan it Dyos.”

Lucas 7:35

Pero di bali tungod ro kaaeam it Dyos hay ginapamatud-an nga tama paagi sa matarong nga pagpangabuhi ku tanan nga nagasunod karon.”

Mga Binuhatan 18:25

May nagturo kana kato parti sa Ginuo ag nagabaga-baga gid imaw sa pagsugid parti kay Jesus ag tama gid ro anang ginaturo. Ro ana eang ugaling nga hasayran parti kay Jesus hay ro mga ginturo ni Juan tag nagapangbawtismo imaw.

Mga Binuhatan 19:3

Nagpangutana pa gid si Pablo, “Hay paalin kamo ginbawtismuhan?” “Ro pagbawtismo kamon hay pareho sa pagbawtismo ni Juan nga Manogbawtismo,” sabat nanda.

Pahayag 15:3

Nagakanta sanda it kanta it pagdayaw sa Dyos pareho kanday Moises nga nagserbi anay sa Dyos. Kanta man rato ku Tiyo it Karnero. Raya ro andang kanta: “Ginuong Dyos nga makagagahom, ro imong buhat hay makakilibot ag makangawa-ngawa. Ikaw nga Hari it tanan nga rasa it tawo, matarong gid ag tama tanan ro imo nga mga hinimuan.

Pahayag 16:5

Habatian ko dayon nga naghambae ro anghel nga nagadumaea ku tanan nga tubi sa kalibutan. Sinana, “Balaan ikaw nga Dyos nga nagakabuhi hasta sa owa it katapusan ag owa it ginhalinan. Matarong ikaw ay ro imong mga pina ngara nga gintao hay tama gid.