Lucas 7:2 - Inkeanon

² Idto hay may isaeang ka kapitan it soldado it Roma nga may sueuguon nga nagamasakit ag nagatagumatayon. Palangga gid ku kapitan ro ana ngara nga sueuguon.

Lucas 7:2 Iomraidhean Croise

Mateo 27:54

Ro kapitan ag ro anang mga soldado nga nagabantay kay Jesus hay nakabatyag ku linog ag nakakita ku ibang mga nagkaeatabo ag kinuebaan gid sanda. Hambae nanda, “Matuod gid-a nga raya ro Unga it Dyos!”

Lucas 23:47

Pagkakita ku kapitan it mga soldado ku natabo hay gindinayaw nana ro Dyos. Hambae nana, “Matuod gid-a nga matarong ro tawo ngara!”

Lucas 7:1

Pagkatapos ni Jesus it turo ku tanan ngato sa mga tawo idto, nag-adto imaw sa banwa it Capernaum.

Lucas 7:3

Nakabati ro kapitan parti kay Jesus ngani nagsugo imaw it pilang ka manogdumaea it mga Judio nga mag-adto kay Jesus. Ginpapangabay kanda ku kapitan nga paadtunon si Jesus sa anang baeay agod pamayaron ro anang sueuguon.

Lucas 8:42

ag pamayaron ro anang unga nga bayi. Mga dose anyos pa eang rato imaw ag solo man lang nana nga unga ag nagatagumatayon eon rato. Nagsunod si Jesus kay Jairus ag abo nga mga tawo ro nagsueunod kanda nga nagadueutdutan.

Mga Binuhatan 10:1

Idto ma't-a sa Cesarea hay may isaeang ka kapitan nga si Cornelius ro anang ngaean. Nagadumaea ra imaw it 100 nga ka soldado it Roma nga sakop ku batalyon nga kon tawgon hay Batalyon Italyano.

Mga Binuhatan 10:7

Pagkahalin ku anghel nga nagpakig-istorya kana, gintawag ni Cornelius ro daywa sa anang mga sueuguon ag sambilog sa anang mga soldado nga anang personal nga kabulig. Matinumanon man sa Dyos ro soldado ngato.

Mga Binuhatan 22:26

Pagkabati kara ku kapitan hay umadto imaw sa anang kumander. Hambae nana, “Sir, paalin 't-a ra? *Romano't-a gali ro tawo ngara.”

Mga Binuhatan 23:17

Ay Pablo dayon nga ginpatawag ro sambilog sa mga kapitan it mga soldado ag ginhambae, “Sir, pangabay, daeha anay ro miron ngara sa inyong kumander ay may ana kuno nga isugid kana.”

Mga Binuhatan 27:1

Tag hadisisyunan eon nga pasakyon kami sa barko paadto sa Italya, gintugyan si Pablo kaibahan it iba pang mga priso kay Julius. Rayang si Julius hay kapitan it 100 nga ka soldado nga Romano nga sakop it Batalyon it Emperador kon tawgon.

Mga Binuhatan 27:3

Pagkamasunod nga adlaw, nagdungka kami sa Sidon. Mayad ro pagtratar ni Julius kay Pablo ag ginsugtan ra nana nga magbisita sa anang mga amigo idto agod hitaw-an imaw nanda ku anang mga kinahangeanon.

Mga Binuhatan 27:43

Pero owa magsugot ro kapitan ay gusto nana nga ilibre si Pablo sa andang gustong obrahon. Ngani ginsugo nana ro mga kaantigo mageangoy nga mag-una it eumpat sa tubi ag mageangoy pabinit.

Mga TagaColosas 3:22

Mga ulipon, tumana ro tanan nga ginasugo kinyo ku inyong mga amo iya sa kalibutan. Tumana sanda nga hantop sa inyong tagipusuon dahil sa inyong pagtaha sa Ginuo, bukon it nagatuman eang kamo kon nagatan-aw sanda agod anda kamo nga dayawon.