Lucas 7:16 - Inkeanon

¹⁶ Hinadlukan gid it duro ro mga tawo ag anda nga gindinayaw ro Dyos. Sinanda, “Ginpakamaayo it Dyos kita nga anang mga katawhan ay ginpadaehan nana kita it gamhanan nga propeta!”

Lucas 7:16 Iomraidhean Croise

Mateo 15:31

Hangawa gid ro mga tawo pagkakita nanda nga nakahambae ro mga uwaw, nakatikang ro mga eupog ag paki ag nakakita ro mga bulag. Gindayaw nanda ro Dyos it mga inapo ni Israel dahil sa anda ngatong hakita.

Mateo 21:11

“Ro propeta nga si Jesus ron, nga tagaNazaret nga sa probinsya it Galilea,” sabat ku mga tawo nga nagasueunod kay Jesus.

Mateo 28:8

Humalin sanda it dali-dali sa eueubngan nga nakuebaan pero nalipay man it duro. Dumaeagan sanda agod sugiran ro mga sumueunod ni Jesus.

Mateo 9:8

Pagkakita kato ku kaabo nga mga tawo hay hinadlukan sanda, ag gindayaw nanda ro Dyos tungod nagtao imaw it makaruyon nga otoridad ag gahom sa tawo.

Lucas 1:65

Hangawa tanan ro andang mga kahilapit ag gin-inistoryahan raya tanang natabo sa bilog nga kabukiran it Judea.

Lucas 1:68

“Daeayawon ro Dyos nga Ginuo naton nga mga inapo ni Israel, dahil nag-abot imaw sa pagbulig ag sa pagtubos katon nga anang mga katawhan.

Lucas 19:44

Anda nga waskon ro inyong syudad ngaron ag pamatyon nanda kamo tanan nga mga pumueuyo pati ro inyong mga unga. Owa gid it hibinlan nga nagataeangkas ku mga bato sa inyong syudad. Ruyon ro inyong dangaton ay inyo nga ginbaliwala ro kahigayunan nga iya pa ro Maneueuwas kinyo.”

Lucas 2:20

Nagbalik dayon ro mga manogbantay sa andang pahangeaban. Samtang nagapanaw sanda hay nagadayaw ag nagapasaeamat sanda sa Dyos dahil sa tanan nga andang hakita ag habatian nga natabo pareho ku ginsugid kanda it anghel.

Lucas 24:19

Naghambae si Jesus, “Anong mga natabo?” Nagsabat sanda, “Ro mga natabo kay Jesus nga tagaNazaret. Ginpamatud-an it Dyos sa mga tawo nga gamhanan imaw nga propeta paagi sa anang mga gin-obra ag ginhambae.

Lucas 5:26

Hangawa gid it duro ro mga tawo ag gindayaw nanda ro Dyos sa andang grabi nga pagtaha kana. Hambae nanda, “Matsa indi mapatihan ro atong hakita ngara makaron!”

Lucas 5:8

Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.”

Lucas 7:15

Bumangon tag patay ag naghambae dayon. Tapos hay gin-intrigar imaw ni Jesus sa anang ina.

Lucas 7:39

Pagkakita kara it Pariseo nga nagkangay kay Jesus, sinana sa anang paino-ino, “Kon matuod imaw ra nga propeta it Dyos hay hasayran eon kunta nana kon anong bayiha ro nagatinabing ngaron kana, ay makasasaea ro bayi ngaron!”

Lucas 8:37

Hinadlukan gid ro tanan nga tawo sa lugar it Gerasa ngani andang ginpangabay si Jesus nga maghalin sa andang lugar. Ngani nagsakay it uman sanday Jesus sa baroto ag nagbalik sa andang ginhalinan.

Lucas 9:19

Nagsabat sanda, “May gahambae nga si Juan nga Manogbawtismo ka kuno. Kon sa iba ma't-a, ikaw kuno hay kat si Elias anay. Sa iba pa gid hay may nabanhaw nga isaea sa mga propeta man kato anay.”

Juan 1:21

Nagsabat sanda, “Hay sin-o ka't-ing? Si Propeta Elias ka baea nga nagbalik?” Nagsabat si Juan, “Bukon a.” “Ro Propeta ka baea nga ginpromisa it Dyos?” pangutana eon man nanda. “Bukon man,” sabat ni Juan.

Juan 1:25

Pinangutana eon man nanda si Juan, “Hay ano ro imong otoridad nga magpangbawtismo kon bukon man gali it ikaw ro Maneueuwas nga ginpromisa it Dyos, bukon ka man it si Elias, ag bukon ka man it Propeta ngato nga ginpromisa it Dyos?”

Juan 4:19

Naghambae dayon ro bayi, “Sir, propeta ka't-ing gali.

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 9:17

Pinangutana eon man ku mga Pariseo rondatong eaki, “Sinimo hay ginpamayad nana ro imong mata. Hay ano ro imong mahambae parti kana?” Nagsabat imaw, “Propeta't-a imaw.”

Mga Binuhatan 5:5

Pagkabati kara ni Ananias hay natumba eagi imaw ag namatay. Pagkatapos, ginpaeapitan it mga miron ro anang eawas ag ginputos. Gindaea nanda rato sa guwa ag gineubong. Tanan nga nakabati ku natabo kay Ananias hay hinadlukan it duro.

Mga Binuhatan 7:37

Imaw man ra tag si Moises nga naghambae sa mga inapo ni Israel, ‘Ro Dyos hay magabutang it sangka propeta ninyo pareho kakon nga halin sa inyong mga kadugo.’

Mga TagaGalacia 1:24

Gindayaw gid nanda ro Dyos tungod ana ako nga ginbag-o.