Lucas 7:13 - Inkeanon

¹³ Pagkakita it Ginuo sa ina ku namatay hay naeuoy gid imaw it duro ag ginhambae nana ro bayi, “Ayaw eon it tangis.”

Lucas 7:13 Iomraidhean Croise

Marcos 8:2

“Naeuoy ako sa kaabong mga tawo ngara ay tatlong adlaw eon nga iya sanda kaibahan nakon ag ubos eon ro andang baeon nga pagkaon.

Lucas 10:1

Pagkataliwan it pilang adlaw, si Jesus hay nagpili it 72 pa gid nga ka tawo halin sa tanan nanang mga sumueunod. Ginpapanaw nana sanda it tig daywa-daywa ag ginpaadto sa tanan nga mga banwa ag lugar nga ana nga aeadtunan sa ulihi.

Lucas 11:1

Isaeang adlaw, nagpangamuyo si Jesus sa sangka lugar. Pagkatapos nana it pangamuyo hay nagpangabay kana ro sambilog sa anang mga sumueunod. Hambae nana kay Jesus, “Ginuo, tud-i man abi kami kon paalin magpangamuyo, pareho man baea kay Juan nga Manogbawtismo nga gintud-an nana ro anang mga sumueunod.”

Lucas 11:39

Ngani naghambae ro Ginuo kana, “Kamo gid-a nga mga Pariseo hay pareho it nagahugas it pinggan ag baso nga ro likod eang ag ro liwan ro ginahugasan. Makaruyon kamo ay ro inyo eang nga eawas ro inyong ginalimpyuhan pero ro una't-a sa inyong kabubut-on hay puro kahanguean ag kaeainan.

Lucas 12:42

Nagsabat ro Ginuo, “Isipa ninyo kon pareho kamo it isaeang ka matutom ag maaeam nga mayordomo nga ibutang ku anang amo nga magdumaea sa iba pa nga mga sueuguon ag magpakaon kanda sa tamang oras.

Lucas 13:15

Nagsabat kana ro Ginuo, “Mga ipokrito gid-a kamo! Bukon abi it inyo nga ginahubad ro inyong asno o baka sa pasindungan ag ginadaea sa pasabsaban bisan Adlaw it Inogpahuway?

Lucas 17:5

Pagkabati ku mga apostoles sa ginhambae ngato ni Jesus, naghambae sanda kana, “Dugangi pa gid ro among pagtuo.”

Lucas 17:6

Nagsabat ro Ginuo, “Kon may inyo nga pagtuo nga bisan mat busoe eang it mustasa it bahoe, ag halimbawa nga ginsugo ninyo ro mabahoe ngara nga kahoy nga gabuton nana ro anang kaugalingon ag itanom sa eawod hay tumanon 't-a kamo karon.”

Lucas 18:6

Naghambae dayon ro Ginuo, “Isipa ninyo nga bisan bukon it matarong ro huwis ngato hay ana gihapon nga ginbuligan ro baeo ngato.

Lucas 19:8

Kat idto eon sanda sa baeay ni Zakeus, nagtindog imaw ag naghambae sa Ginuo, “Umpisa makaron, Ginuo, ipanao ko sa mga pobre ro katunga ku akon nga manggad. Ag sa akong mga ginluko hay iuli ko kanda ro akong habuoe it ap-at nga pilo.”

Lucas 22:61

Dikato man naglingot ro Ginuo ag ana nga gintueok si Pedro ag hadumduman ni Pedro ro ginhambae it Ginuo nga, “Bago magpamaeo ro manok sa rayang gabii hay ipanghiwaea mo it tatlong beses nga kilaea mo ako.”

Lucas 24:3

Nagsueod sanda pero owa nanda hakita idto ro eawas ni Ginuong Jesus.

Lucas 24:34

Hambae nanda sa daywa nga bag-ong abot, “Matuod 't-a nga nabanhaw ro Ginuo! Nagpakita man imaw kay Simon!”

Lucas 7:12

Tag gapasueod eon sanda sa pwertahan it banwa, may hasubeang sanda nga kaabo nga tawo nga nagakompanyar sa eubong. Ro namatay hay bugtong nga ungang eaki it sangka baeo.

Lucas 7:14

Nagpaeapit dayon si Jesus ag ginbuytan ro papag nga ginabutangan it patay ag nagpundo ro mga nagadaea kato. Pagkatapos, ginhambae ni Jesus rondatong solterito nga namatay, “Toto, ginahambae ko kimo nga magbangon ka.”

Lucas 7:19

ag ginpaadto nana sa Ginuo agod mangutana kon imaw eon ro andang ginapaabot nga ginpromisa it Dyos ukon mahueat pa sanda it iba.

Lucas 8:52

Ro tanan nga tawo nga idto eon eagi sa sueod hay nagatinangis ag naganginuynguy sa pagkamatay ku unga. Ginhambae sanda ni Jesus, “Ayaw kamo it tinangis. Bukon it patay ro unga ngara. Gakatueog man lang imaw.”

Juan 11:2

Dayang si Maria ro sa ulihi hay gabu-bu it pahumot sa siki ku Ginuo ag ana man dayon rato nga pahiran ku anang buhok. Si Lazarus ngato nga nagamasakit hay igmanghod ni Maria ngara.

Juan 11:3

Ngani ginpasugiran dayon nandang daywa ni Marta si Jesus nga, Ginuo, nagamasakit mana ro imong palanggang amigo.

Juan 20:13

Ginpangutana nanda si Maria Magdalena, sinanda “Ne, ham-an it nagatinangis ka?” Nagsabat imaw, “Ginbuoe abi nanda ro akong Ginuo ag owa ako kasayod kon siin nanda imaw pagbutangan.”

Juan 20:15

Ginpangutana imaw ni Jesus, “Ne, ham-an it gatinangis ka? Sin-o ro imong ginausoy?” Eaom ni Maria hay tag manogtatap ku taeamnan ngato si Jesus, ngani sinana, “Nong, kon ikaw gid man ro nagbuoe kana, sugiri man abi ako kon siin mo imaw pagdaeha ay adtunan ko imaw ag bue-on.”

Juan 4:1

Ro mga Pariseo hay nakabalita nga ro ay Jesus nga ginakumbinsi nga mangin anang mga sumueunod hay mas nagainabo pati ro anang ginabawtismuhan kaysa sa ay Juan.

Juan 6:23

May iba dayon nga mga baroto nga halin sa Tiberias nga nag-abot ag nagdungka maeapit sa lugar ngato kon siin man sanda ginpakaon ni Jesus it pagkaon nga anang ginpasaeamatan.

1 Corinto 7:30

Imaw man kon nasubo kita o nalipay man, indi naton pagpabay-an ro atong kasubo o kalipay nga mangin sabeag sa atong pagserbi sa Dyos it todo-todo. Ag ro atong isip hay bukon man dapat it idto lang sa mga bagay nga atong ginabinakae dahil ro pagserbi sa Dyos hay mas importanti kaysa sa mga pagkabutang.

1 Tesalonica 4:13

Mga igmanghod, may amon pa nga gustong ipasayod kinyo parti sa inyong mga kaigmanghuran sa pagtuo nga nagkaeamatay eon agod indi kamo magkasubo pareho ku mga bukon it tumueuo nga owa it kasiguruhan nga banhawon sanda it Dyos.

Mga Hebreo 2:17

Ngani agod makabulig matuod imaw hay dapat nga mangin matuod imaw nga tawo pareho gid katon nga anang mga igmanghod ag maagyan ro tanan natong ginaagyan. Paagi karon, nangin maeueuy-on ag masaligan imaw nga Pinakapinuno nga Saserdote nga nagarepresentar katon sa Dyos agod mapatawad ro mga saea naton nga mga tawo.

Mga Hebreo 4:15

Ro aton ngara nga Pinakapinuno nga Saserdote hay nakaeubot kon maeuya kita sa pagsukoe sa tentasyon ag naeuoy imaw katon. Sayod nana ron ay tag nagpakatawo imaw iya sa kalibutan hay naagyan man nana tanan ro mga tentasyon kaparehas naton, pero owa gid imaw nagkasaea.