Lucas 6:8 - Inkeanon

⁸ Pero sayod ni Jesus ro andang ginapaino-ino. Ginhambae dayon nana sa tawo nga kimpay ro anang alima, “Tindog iya sa printi.” Nagtuman ro tawo.

Lucas 6:8 Iomraidhean Croise

Mateo 9:4

Pero sayod ni Jesus ro andang ginapaino-ino, ngani naghambae imaw kanda, “Ham-an it nagapaino-ino kamo it maeain?

Marcos 3:3

Gintawag ni Jesus ro tawo ngato ag anang ginhambae, “Tindog iya sa printi.”

Lucas 13:12

Pagkakita ni Jesus sa bayi ngato hay ana ra nga gintawag ag ginhambae, “Nang, hilway ka eon sa imo ngarong masakit.”

Lucas 5:22

Pero sayod ni Jesus ro andang ginapaino-ino, ngani naghambae imaw kanda, “Ham-an it makaruyon 't-a ro inyong ginaisip?

Lucas 6:9

Ginpangutana dayon ni Jesus ratong mga nagabantay kana, “Kutan-on ko abi kamo. Suno sa atong Kasuguan, ano ro puydi nga obrahon kon Adlaw it Inogpahuway? Ro mayad o ro maeain? Magtabang baea o magpatay?”

Juan 2:25

Bisan indi eon imaw pagsugiran parti karon ay sayod man eagi nana kon ano ro sueod ku andang tagipusuon.

Juan 21:17

Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Juan 9:4

Dapat naton nga obrahon ro ginapaobra ku nagpadaea iya kakon samtang adlaw pa, ag may aton pa nga kahigayunan. Kon madueom eon abi hay owa eon it makaobra karon.

Mga Binuhatan 20:24

Pero indi bali bisan patyon pa ako idto ay mas mahaega kakon nga matapos ko ro oeobrahon nga ginapaobra kakon ni Ginuong Jesus kaysa sa akong kabuhi. Ro anang ginapaobra kakon hay iwali ko ro Mayad nga Balita parti sa sobrang kabuot it Dyos.

Mga Binuhatan 26:26

Sigurado ako nga sayod ni Haring Agripa ro mga butang ngara. Owa ra nalipod kana ay natabo ra it hayag. Mawron ngani nga owa ako nagahawid-hawid maghambae kara sa anang atubang.

Mga TagaFilipos 1:28

Ag masayran ko man nga owa kamo nahadlok bisan ano ro obrahon ku mga nagakuntra kinyo. Ro andang pagkuntra ngaron hay gapamatuod nga pagapinahan sanda sa impyerno sa ulihi, ag ro inyong padayon nga pagtuo bisan ginakuntra kamo hay pamatuod man nga maeuwas kamo sa ulihi. Obrahon ron tanan it Dyos.

Mga Hebreo 4:13

Owa gid it gintuga nga matago sa Dyos. Makita nana ro tanan ag hayag ra sa ana nga panueok. Ag kana man kita magapanabat sa atong mga binuhatan.

1 Pedro 4:1

Tungod haom si Kristo nga mag-atubang sa mga kasakit ag pag-antos nga naagyan nana tag iya pa imaw sa kalibutan, ngani dapat nga ro inyong paino-ino hay pareho man ku ana, agod nga haom kamo nga magtuo gihapon bisan mag-antos kamo dahil karon. Kon haom ro sangka tawo nga obrahon ron hay nagapakita ron nga nagtalikod eon imaw sa pagpakasaea.

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.