Lucas 6:47 - Inkeanon

⁴⁷ Isugid ko kinyo kon sa ano ginakompara ro tawo nga nagapaeapit kakon ag nagapamati ag nagatuman sa akong ginahambae.

Lucas 6:47 Iomraidhean Croise

Mateo 12:50

Ro bisan sin-o nga nagatuman sa pagbuot ku akon nga Ama sa eangit hay ruyon ro akong ginakabig nga ina ag mga igmanghod nga eaki ag bayi.”

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Lucas 11:28

Pero nagsabat si Jesus, “Matuod ron pero mas kapin 't-a nga bulahan ro mga nagapamati ag nagatuman sa mensahi it Dyos.”

Lucas 14:26

“Kon may tawo nga mag-adto kakon agod mangin akong sumueunod pero mas ginahigugma pa nana ro anang ginikanan, asawa, mga unga, mga igmanghod ag ro anang kaugalingon kaysa sa kakon hay indi imaw puydi nga mangin sumueunod nakon.

Lucas 6:48

Pareho imaw it nagpatindog it baeay nga nagkutkut it madaeom ag ro pundasyon hay anang ginbangot it mayad sa dalipi. Nagbaha ro suba ag nagbaskog ro sueog ag bumunggo sa baeay, pero owa rato mauyog ay malig-on ro pagkaobra.

Lucas 8:13

Ro natabo ma't-a sa binhi nga tumugpa sa may dalipi hay kahalimbawa ku mga nagpamati sa mensahi it Dyos ag nagbaton nga may kalipay pagkabati kato nanda. Ugaling tungod owa nakagamot it mayad ro andang habatian hay owa man rato magbuhay sa andang paino-ino ngani pag-abot it kalisod hay nagtalikod dayon sanda sa anda ngatong ginbaton.

Lucas 8:8

Pero may binhi ma't-a nga tumugpa sa manami nga eugta. Nagtubo rato, nageagko ag nagpamunga it kaabo-abo nga mayad.” Pagkatapos, naghambae si Jesus, “Paino-inoha it mayad ro inyo ngarang habatian.”

Juan 10:27

Ro akong mga karnero hay nagapamati sa akon nga limog ag kilaea ko sanda, ag nagasunod sanda kakon.

Juan 13:17

Tungod hasayran eon ninyo makaron ro mga butang ngara hay bulahan gid-a kamo kon himuon ron ninyo.

Juan 14:15

Naghambae pa gid si Jesus, “Kon ginahigugma ninyo ako, pagatumanon gid ninyo ro akong mga sugo.

Juan 5:40

ugaling hay owa gihapon kamo naila magdangop kakon agod taw-an ko kamo ku kabuhi ngaron nga owa it katapusan.

Juan 6:35

Nagsabat si Jesus, “Ako't-a ro pagkaon nga nagatao it minatuod nga kabuhi. Ro bisan sin-o nga gadangop kakon hay indi eon paggutumon bisan hasta hin-uno ag ro bisan sin-o nga gatuo kakon hay indi eon pag-uhawon it uman.

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 8:52

Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?

Mga Hebreo 5:9

Ag dahil permi imaw nga nagtinuman sa Dyos it insakto ag owa it kueang, imaw ro perpekto nga sakripisyo para sa kasae-anan it tawo ngani nangin imaw ro ginahalinan it kaeuwasan nga owa it katapusan para sa tanan nga nagatuman kana.

Santiago 4:17

Ngani tumana ninyo ro akong ginahambae ngara ay kon nasayran it tawo kon ano ro mayad nga dapat obrahon pero owa ra nana ginaobraha hay nagakasaea imaw.

1 Pedro 2:4

Buhi gid si Kristo ag ginahalimbawa imaw sa sinilsil nga bato nga ginagamit sa pundasyon it bilding. Ginbilang imaw nga owa it pueos it mga tawo, pero imaw ro pinili it Dyos ag mahaega sa anang panueok. Ag samtang nagapaeapit kamo kay Kristo,

2 Pedro 1:10

Ngani, mga igmanghod, tinguhaa gid nga magpadayon ro inyong mayad nga batasan agod masiguro ninyo sa inyong kaugalingon nga pinili gid matuod kamo it Dyos, ag tinawag nga mangin anang mga katawhan. Kon himuon ninyo ron hay indi gid kamo hinandad sa inyong pagsunod sa Ginuo

1 Juan 2:29

Hasayran naton nga matarong si Kristo ngani makasiguro man kita nga ro tawo nga nagahimo it matarong hay nakabaton it kabuhi nga halin sa Dyos.

1 Juan 3:7

Akon nga mga unga sa pagtuo, ayaw kamo magpadaea-daea. Ro nagahimo it mayad hay matarong pareho kay Kristo.

Pahayag 22:14

Bulahan ro mga nagalinaba ku andang eambong dahil sanda ro may kinamatarong nga makasueod sa mga pwertahan ku syudad. May kinamatarong man sanda nga makakaon ku bunga ku kahoy nga nagatao it kabuhi.