Lucas 6:44 - Inkeanon

⁴⁴ Makilaea ro kada kahoy paagi sa ana nga bunga. Indi ka makapu-pu it higera sa kasiitan, ag indi ka man makabuoe it ubas sa kaarumahan.

Lucas 6:44 Iomraidhean Croise

Mateo 12:33

Naghambae pa gid dayon si Jesus, “Kon sa inyong tan-aw hay sadyaan ro bunga, hambaea't-a ninyo nga sadyaan ro kahoy. Kon sa inyo ma't-a nga tan-aw hay bukon it sadyaan ro bunga, hambaea't-a ninyo nga bukon it sadyaan ro kahoy. Makilaea gid ro kahoy sa ana nga bunga.

Mateo 7:16

Masayran ninyo kon ano gid sanda paagi sa andang buhat. Pareho sa kahoy nga makilaea ninyo paagi sa bunga. Aeang-aeang ma't-a nga makapu-pu ka it ubas sa kasiitan o makapu-pu ka it higera sa aroma.

Mateo 7:20

Ngani makilaea ninyo kon ro manogturo ku mensahi it Dyos hay matuod o bukon paagi sa andang buhat.”

Santiago 3:12

Mga igmanghod ko, aeang-aeang man nga ro higera hay magbunga it olibo ag ro ubas hay magbunga it higera. Indi man hipanami ro lasa it maaeat nga tubi.

Judas 1:12

Ro mga nagaturo ngaron it saea hay pareho it mantsa nga nagapaeaw-ay sa manami nga eambong. Nagaiba sanda kinyo kon nagatililipon kamo sa pagkaon kaibahan ku pagdumdum ku pagkamatay it Ginuo, pero owa man sanda nagatahod karon ay nagalinamon ag nagaininom mala't-a sanda. Owa kamo it hipuslan kanda ay pareho sanda it gae-om nga ginaapok it mabaskog nga hangin bago makatueo ro uean. Pareho man sanda it patay nga kahoy nga indi makabunga bisan tigbueunga eon ag nagakaeuka eo't-a.