Lucas 6:40 - Inkeanon

⁴⁰ Owa it estudyante nga eabaw pa sa anang maestro. Pero kon nakaeubot ag nag-antigo gid ro estudyante ku anang gintun-an hay mangin pareho eon dayon imaw sa anang maestro.

Lucas 6:40 Iomraidhean Croise

Mateo 23:15

“Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, dahil gatabok pa kamo it kadagatan ag nagalibot sa kon siin-siin agod eang may inyo nga hidaea sa inyong relihiyon ag mangin parehas man kinyo nga strikto sa pagsunod sa inyong relihiyon. Ag kon hidaea eon ngani ninyo hay ginahimo ninyo nga sobra pa kinyo kastrikto magsunod sa inyong relihiyon ngani mas bagay imaw nga pinahan it mas pa kinyo idto sa impyerno.

Lucas 6:41

Ham-an it hakita mo ro kaisot-isot nga puling it imong isigkatawo pero indi mo mapan-uhan ro puling nga matsa tablon it bahoe sa imo mismong mata?

Juan 13:16

Matuod gid rang ginahambae kinyo nga ro ulipon hay bukon it eabaw pa sa anang amo ag ro ginpadaea nga tawo hay bukon it eabaw pa sa nagpadaea kana.

Juan 15:20

Dumduma ninyo ro akong ginhambae kato kinyo nga ro ulipon hay bukon it eabaw pa sa anang amo. Ngani kon ginhingabot nanda ako, hingabuton man nanda kamo. Pero kon tumanon nanda ro akong ginaturo hay tumanon man nanda ro inyong ginaturo.