Lucas 6:25 - Inkeanon

²⁵ Makaeueuoy man kamo nga mga busog makaron ay maabot ro adlaw nga magutuman gid kamo. Makaeueuoy man kamo nga ro ginapahaegahan eang makaron hay ro inyo mismong kalipay, ay maabot ro adlaw nga magakasubo gid kamo ag magatangis.

Lucas 6:25 Iomraidhean Croise

Lucas 12:20

Ugaling hay naghambae kana ro Dyos, ‘Kaumangon! Makaron nga gabii hay bawion eon kimo ro imong hueam nga kabuhi. Hay sin-o eon dayon ro makapanipueos ku imo ngarong tinipon?’ ”

Lucas 13:28

“Kon hikita ninyo sanday Abraham, Isaac ag Jacob ag ro tanan nga mga propeta nga gintapoe sa mga sinakpan it Dyos nga anang ginaharian pero kamo hay hibilin sa guwa ag pagatabugon, dikaron eon dayon kamo mag-inueahab ag magpinagot.

Lucas 6:24

“Makaeueuoy kamo nga mga manggaranon ay ro inyong ginaagyan nga matawhay ag bugana nga pagpangabuhi hay hasta eang iya sa kalibutan.

Lucas 6:26

Makaeueuoy kamo nga mga nagapaeapad it papel sa inyong isigkatawo agod eang dayawon. Makaruyon man abi kato ro gin-obra ku mga nagpakuno-kuno nga mga propeta ag gindayaw sanda ku mga tawo pero ginpinahan sanda it Dyos.”

Lucas 8:53

Anda't-a nga ginhinibaygan si Jesus nga may daea nga pag-intrimis ay sayod nanda nga patay eon ro unga.

Mga TagaEfeso 5:4

Bukon man it bagay kinyo nga mag-inistorya it binastos, pinaumang, ag dinaka. Imbis nga duyon ro magguwa sa inyong ba-ba, ro dapat hay pagpasaeamat sa Dyos ro mabatian kinyo.

1 Tesalonica 5:3

Kon siin ngani gahambae ro mga tawo nga malinong man ag matsa owa gid it peligro hay dikaron man gulpi eang sanda nga abutan it grabi nga pagpina it Dyos nga indi gid nanda malikawan. Ro pag-abot karon hay pareho it pagsaeapo sa sangka manog-unga nga gulpi eang.

Santiago 4:9

Makonsensya kamo, magkasubo ag mag-ueahab tungod sa inyong mga saea. Imbis nga maghibayag kamo ag magkalipay sa inyong saea hay magtangis kamo ag magmasinueub-on.

Pahayag 3:17

Sininyo hay manggaranon gid kamo ag owa kamo ginakueanga. Pero owa kamo kasayod nga sa akong panueok hay mga makaeueuoy gid kamo pareho ku mga pobre, ku mga owa it ginasuksuk ag ku mga bulag.