Lucas 6:23 - Inkeanon

²³ Makaruyon man kato ro gin-obra ku andang mga kalolo-lolohan sa mga propeta. Ngani magkalipay kamo ag magsinta-sinta sa kasadya kon matabo ron, ay mabahoe ro inyong batunon nga premyo sa eangit.

Lucas 6:23 Iomraidhean Croise

Mateo 5:12

Makaruyon man kato ro gin-obra ku mga tawo sa mga propeta. Ngani magkalipay kamo it duro, ay mabahoe ro inyong batunon nga premyo sa eangit.”

Lucas 1:41

Pagkabati ni Elisabet ku pagpangamusta ni Maria hay nagsinta sa kalipay ro eapsag sa ana nga tiyan ag gin-gamhan si Elisabet it Espirito Santo,

Lucas 1:44

Pagkabati nakon ku imong limog pagpangumusta mo kakon hay nagsinta sa kalipay ro eapsag sa akon nga tiyan.

Lucas 6:35

Ayaw kamo magtuead karon kundi higugmaa ninyo ro inyong kaaway ag himui sanda it mayad. Kon magpahueam ka, ayaw magpaabot nga bayaran ka. Kon makara ro inyong ginaobra hay mabahoe gid ro inyong premyo, ag ginapakita ninyo nga mga unga kamo it Dyos nga Eabing Mataas tungod mabuot ro Dyos bisan sa mga owa it kabaeaslan ag sa mga maeain.

Mga Binuhatan 14:10

Ngani ginhambae imaw it mabaskog ni Pablo, “Tindog!” Matsa pumisik ro tawo ngato halin sa anang ginalingkuran ag nagtinikang paadto-pabalik.

Mga Binuhatan 3:8

Matsa pumisik imaw halin sa anang ginalingkuran, tumindog ag nagtinikang paadto-pabalik. Pagkatapos, nagsunod imaw kanda pasueod sa Templo nga nagatikang, nagaliksi-liksi ag nagadayaw sa Dyos.

Mga Binuhatan 5:41

Naghalin ro mga apostoles sa *Sanedrin nga nagakalipay ay ginbilang sanda it Dyos nga takos nga mahuy-an por dahil sa andang pagtuo kay Jesus.

Mga TagaRoma 5:3

Ag bukon eang it duyon ro atong ginakalipay kundi pati man ro mga kalisod nga atong ginaagyan ay sayod naton nga paagi sa mga ruyon ngaron hay nagaantigo kita nga magbatas.

2 Corinto 12:10

Ngani nalipay gihapon ako bisan owa ako it ikasarang, kon ginasamaran ako, kon ginapakalisdan, kon ginahingabot ag kon sa kapipit-an dahil sa akong pagserbi kay Kristo. Sa oras abi nga maeuya ako ag owa it ikasarang hay dikaron man dayon ako ginagamhan it Dyos.

Mga TagaColosas 1:24

Nagakalipay ako makaron bisan nagakalisod ako dahil kinyo. Ginaantos ko ra tanan agod makompleto ko ro dapat kong antuson para kay Kristo para sa kamaeayran ku mga tumueuo nga anang eawas.

2 Timoteo 2:12

Kon tiison naton ro tanan nga kalisod nga atong maagyan dahil sa atong pagtuo kana, magahari man kita kaibahan nana sa ulihi. Pero kon ipanghiwaea naton nga sumueunod nana kita, sa ulihi hay ana nga pamatud-an nga bukon gid ma't-a kita it mga sumueunod nana.

Mga Hebreo 11:26

Nagdesidir imaw nga bisan pakaeainon imaw dahil sa anang pagtuo sa Maneueuwas nga ipadaea it Dyos sa ulihi hay mas mahaega ron nga kamaeayran kaysa sa tanan-tanan nga manggad sa Egipto, dahil ginaisip nana permi ro premyo nga itao it Dyos kana sa ulihi.

Mga Hebreo 11:6

Kon owa it pagtuo ro sangka tawo hay imposible nga mapalipay nana ro Dyos. Ro bisan sin-o abi nga nagadangop sa Dyos hay dapat magpati nga may Dyos gid ag nagatuo nga sa mga nagausoy it paagi nga makilaea imaw hay ana sanda nga premyuhan kon ano ro andang ginausoy.

Santiago 1:2

Mga kaigmanghuran ko sa pagtuo, kada ngani mag-abot ro sari-sari nga pagtesting sa inyong pagtuo hay bilanga ron ninyo nga rason nga dapat kamo magkalipay it duro,

1 Pedro 4:13

Imbis nga makibot kamo kon ginahingabot kamo hay magkalipay kamo, ay may inyo nga kahigayunan nga mag-antos para kay Kristo pareho ku anang pag-antos para kinyo. Ag kon makaruyon hay magakalipay man kamo it duro kon magbalik eon imaw ag ipahayag ro anang kadungganan.

Pahayag 2:17

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod kakon hay taw-an nakon it gintago nga pagkaon nga manna kon tawgon. Taw-an ko man ro kada isaea kanda it puti nga bato nga kon siin nasueat ro anang bag-o nga ngaean. Owa it iba nga makasayod ku ngaean ngaron kundi ro makabaton eang ku ruyon nga bato.’ ”

Pahayag 2:26

“ ‘Ro nagapadayon nga madinaeag-on sa andang pagsunod kakon, ag nagapadayon sa pagtuman sa akong ginasugo hasta sa andang kamatayon hay taw-an ko it otoridad nga magdumaea sa tanan nga rasa it tawo, pareho ku otoridad nga gintao kakon ku akon nga Ama. Ro andang pagdumaea kanda hay strikto ag perdihon nanda ro tanan nga nagakuntra kanda pareho it pagpusa it kueon gamit ro baston nga saesaeon. Ag itao ko man kanda ro ginatawag nga bituon nga nagasubat sa aga-aga.

Pahayag 2:7

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod sa Ginuo hay sugtan nakon nga magkaon ku bunga it kahoy nga nagatao it kabuhi nga idto nagatubo sa Paraiso it Dyos.’ ”

Pahayag 21:7

Ro nagapadayon nga madinaeag-on sa andang pagsunod kakon hay makabaton ku ruyon tanan nga akong ginpromisa, ag ako ro mangin andang Dyos ag sanda ro mangin akong mga unga.

Pahayag 3:12

Ro nagapadayon nga madinaeag-on sa andang pagsunod kakon hay obrahon ko nga pareho it haligi sa Templo it akon nga Dyos, nga ro kahueugan hay idto sanda sa presensya it Dyos, ag indi sanda pagpahalinon idto hasta sa owa it katapusan. Markahan ko sanda ku ngaean it akon nga Dyos, ag ku ngaean ku syudad it akon nga Dyos nga ginatawag nga Bag-o nga Jerusalem, nga ipapanaog nana halin sa eangit. Markahan ko man sanda ku akon nga bag-o nga ngaean.

Pahayag 3:5

Makaruyon man nga pasuksukan it puti ro mga nagapadayon nga madinaeag-on sa andang pagsunod kakon. Ag indi gid nakon pagpaeaon ro andang ngaean sa listahan ku mga ngaean it mga gintaw-an it kabuhi nga owa it katapusan. Akuon nakon sa atubang ku akong Ama ag ku anang mga kaanghelan nga akon gid sanda.